Category Archives: Kurdish

پيامى كوميته ى كورده كانى نيشته جى ئه مريكا بو ديموكراسى و مافى مروڤ به بونه ى شه هيد بوونى سێ پيشمه رگه ى قاره مانى حيزبى کۆمەڵەی شۆڕشگێڕی زەحمەتکێشانی کوردستانی ئێران له شارى سنه

kac4dhri_logo.jpgپيامى كوميته ى كورده كانى نيشته جى ئه مريكا بو ديموكراسى و مافى مروڤ به بونه ى شه هيد بوونى سێ پيشمه رگه ى قاره مانى حيزبى کۆمەڵەی شۆڕشگێڕی زەحمەتکێشانی کوردستانی ئێران له شارى سنه

٢٤ى مانگى جون ٢٠١٧ زاينى

به داخ و په ژاره يه كى زووره وه روژى هەینی ٢ی پووشپەڕی ١٣٩٦ی هەتاوی هه والى شه هيد بوونى سێ پێشمەرگەی قاره مانى حيزبى کۆمەڵەی شۆڕشگێڕی زەحمەتکێشانی کوردستانی ئێران له شارى سنه له ريگاى ئاگادارى فرمى ئه م ريكخراوه بلاو كرايه وه.

به پى ئه م ئاگاداريه پوليك لە پێشمەرگە و ئەندامانی ڕێکخستنی نهێنی ئه م حيزبه لە شارى سنە كه له جوله ى سياسى و پيوندى له گه ل خه لكى شارى سنه دا بوون ده كونه نيو گه ماروى هيزى سوپاى پاسداران و ئيداره ى ئيتيلاعاتى ڕێژیمی کۆماری ئیسلامیی ئێران دا ه له ئاكام دا سێ پێشمەرگەی قاره مان به نيوى سه باح حوسه ين په ناهى، حاميد سه يف په ناهى و بيهزاد نوورى شه هيد ده بن و ئه نداميكى ديكه ى ئه م پوله به نيو رامين حوسين په ناهى پاش بريندار بوون ده كه ويته ده ستى سوپاى دژى گه لى پاسدارانى كومارى ئيسلامى.

Komala_Sanandaj

دوا به دواى ئه م تيك هه لچونه هيزى دژى گه لى پاسداران هيرش ده كه نه سه ر بنه ماله ى شه هيدانى ئه م كاره ساته و بنه ماله ى لايه نگرانى حيزبى كومه له له شارى سنه و چه ندين كه س ده ست به سه ر ده كه ن. له نيو ئه م ده ست به سه ر كراوانه دا نيوى ئه فشين حوسين پناهى له ريگاى راگه ياندنى بنه مالة ى به ريزى حوسين پناهى بلاو كراوه توو.

ئێمە له كوميته ى كورده كانى نيشته جى ئه مريكا وێڕای دەربرینی ھاوخەمی خۆمان، پرسە‌و سەرەخۆشی خومان ئاراستە بنەماڵە سه ر به رزى شه هيدانى نوى خه باتى رزگارى خوازى گه له كه مان و ھاوسەنگەره كانیان  له حيزبى کۆمەڵەی شۆڕشگێڕی زەحمەتکێشانی کوردستانی ئێراندەكەین‌.

هاوكات کۆمار ئیسلامی ئيران به به رپرس له گيانى ئه و كه سانه ى ده زانين كه ده ست به سه ر كراووه ن و بو شوينى ناديار گوستراونه تو.

كومارى ئيسلامى ئيران كه تواناى ولام دانه وه به خواستى ره واى گه لانى ئيرانى له هيچ بوواريك دا نيه، ريگاي چاره له قه تل و كوشتار و ئه شكه نجه ى ئازاديخوازانى ئيران دا ده زانيت و بى گومان خه لكى كورد له روژ هه لاتى كوردستان به پشت به ستن به هيزى سياسى و نيزامى خوى خوراگه رانه و قاره مانانه له به ربه ره كانى له گه ل كومارى سيداره دا وه ستاوه.

ليره دا ئه ركى سه ره كى حيزب و ريكخراوه سياسيه كان ده بيت يكگرتنه وه و پيك هينانى به ره يه كى يكگرتوى روژهه لاتى كوردستان  بو به ربه ره كانى له گه ل كومارى دژى خه لكى ئيسلامى دا بيت.

پيداويستى هاوكارى نيزامى و كارى هاوبه ش له نيوان  ٨ حيزبى سه ره كى كوردى روژ هه لات دا كه هيزى نيزامى چالاك و به ئه زمونيان هه يه ده بيت له ده ستورى سه ره كى ئه م ريكخراوانه دا بيت و ئه م كاره ده توانيت  ببيته سه ره تاى كارى هاوبه شى نيزامى له نيو وه لات ، پشتگيرى له خه باتى مه دنى نيو خو و هه روه ها پاراستنى گيانى پيشمه رگه كان و ئه ندامانى چالاك و نيهينى ئه م ريكخراوانه له نيو ولات دا.

د. ئازاد موراديان

به رپرسى كوميته ى كورده كانى نيشته جى ئه مريكا بو ديموكراسى و مافى مروڤ

لوس ئه نجليس- كاليفورنيا

 

ڕوانگه‌: ئاکامه‌کانی هێرشی موشه‌کی ئێران بۆ سه‌ر سوریا

ڕوانگه‌: ئاکامه‌کانی هێرشی موشه‌کی ئێران بۆ سه‌ر سوریا

 به شى كوردى ده نگى ئه مريكا

سوریا – گفتوگۆکان

 شاهێد عەلەوی

voa_iran_military_action_azad_shahid_himen_062017.jpg

 هێرشی موشه‌کی سۆپای پاسدارانی ئێران بۆ سه‌ر شاری ده‌یره‌زوور له‌ سوریا پرسیاری زۆری هێناوه‌ته‌ ئاراوه‌. ئێڕان ده‌ڵێت ئه‌م هێرشه‌ تۆڵه‌سه‌ندنه‌وه‌ له‌ داعشه‌ و بنکه‌یه‌کی فه‌رمانده‌یی داعشی له‌ ئه‌و ناوچه‌یه‌ کردۆته‌ ئامانج و هه‌ر شه‌ش موشه‌که‌که‌ش ئامانجه‌که‌یان پێکاوه‌.

سه‌رچاوه‌یه‌کی ئیسرایلی ده‌ڵێت ته‌نیا یه‌ک له‌ موشه‌که‌کان بنکه‌ی داعشی پێکاوه‌ و یه‌کی تریان له‌ ده‌ورو و پشتی ئه‌و شاره‌ که‌وتوه‌ و چواری تریان له‌ ڕێگه‌دا که‌وتوونه‌ته‌ خواره‌وه‌. ئێران ده‌ڵێت، ده‌سه‌ڵاتی ناوه‌ندی سوریا ئاگاداری هێرشه‌که‌ کراوه‌ته‌وه‌ و ئێران مافی خۆیه‌تی بۆ پاراستنی ئاسایشی نیشتمانی دژی گرووپه‌ توندئاژۆه‌کان چالاک بێت.

پرسیار ئه‌وه‌یه‌ که‌ ئه‌م هێرشه‌ مووشه‌کیه‌ چه‌ند ده‌توانێت شه‌ڕی ناوخۆی سوریا ئاڵۆزتر بکات و به‌ پێی ئه‌وه‌ که‌ ده‌گوترێت ئێران به‌ دوای کردنه‌وه‌ی ڕێگایه‌که‌ بۆ گه‌یشتن به‌ ده‌ریای مه‌دیته‌رانه‌ ئه‌مه‌ریکا چۆن به‌رانبه‌ر به‌ ئه‌م هه‌وڵانه‌ی ئێران هه‌ڵوێست ده‌گرێت؟

ئه‌گه‌ر مه‌به‌ستی ئێران و ده‌سه‌ڵاتی ناوخۆیی سوریا لاوازکردنی لایه‌نی کوردی و به‌ره‌ی سوریای دێمۆکڕاتیک بێت، ئه‌مه‌ریکا چۆن ده‌توانێت پشگیری له‌ هێزه‌کانی هاوپه‌یمانی بکات و له‌ کۆتایی خۆیدا ئێران ده‌توانێت له‌ شه‌ڕی ناوخۆی سوریادا لایه‌نی سه‌رکه‌وتووبێت، یان به‌ره‌ی به‌رانبه‌ر ئه‌جێندای خۆی له‌ سوریا ده‌چه‌سپێنێت؟

له‌ به‌رنامه‌ی ڕوانگه‌ی ئه‌مڕۆ ئه‌م پرسیارانه‌ له‌ گه‌ڵ به‌ڕێزان هێمن سه‌یدی لێکۆڵه‌ری سیاسی له‌ به‌ریتانیا و دوکتور ئازاد مورادیان، لێکۆله‌ری سیاسی له‌ کالیفۆڕنیا تاوتۆ ده‌که‌ین.

Source: https://www.dengiamerika.com/a/iran-syria/3910170.html?nocache=1

**************************************
 

vokradio.jpg

 Voice of Kurdish-American Radio for Democracy, Peace, and Freedom

free stats

 

ده‌ره‌نجامی هه‌ڵبژاردنه‌کانی سه‌رۆک کۆماری ئێران: چ گۆتارێک سه‌رکه‌وتوو بوو؟

ده‌ره‌نجامی هه‌ڵبژاردنه‌کانی سه‌رۆک کۆماری ئێران: چ گۆتارێک سه‌رکه‌وتوو بوو؟

voa_kurdish_iranelection_052017.jpg
هه‌ڵبژاردنه‌کانی سه‌رۆکایه‌تی ئێران کۆتایی هات و جارێکی تر رۆحانی به‌ سه‌رۆک کۆمار هه‌ڵبژێردرایه‌وه‌. بانگه‌وازی به‌شداری نه‌کردنه‌که‌ چ له‌ لایه‌ن کورد وه‌ یاخود لایه‌نه‌کانی تردا تا چه‌ند کاریگه‌ری هه‌بوو وه‌ تا چه‌ند کارو به‌رنامه‌ رێزی بۆ کرا بوو؟

له‌ هه‌مان کاتدا تا چ ڕاده‌یه‌ک چالاکانی سیاسی و لایه‌نه‌حیزبییه‌کان بۆ سه‌رکه‌وتنی پرسی بایکۆتی هه‌ڵبژاردن چالاک بوون و چه‌نده‌ جیاوازی نێوانی گرنگی هه‌ڵبژاردنه‌کانی ئه‌نجومه‌نه‌کانی شار و لادێ سه‌رۆک کۆمارییان له‌ چالاکییه‌کانی خۆیاندا ڕه‌چاوکردووه‌.

ئایا پێویستە گەلانی ئێران و کۆمەڵگەی نێونەتەوەییش چاوەڕوانی گۆڕانکاری بن لەپاش ئەم هەڵبژاردنەی سەرۆکایەتی ئێران؟ شه‌ش حیزبی کوردستانی ئێران به‌یانیه‌کی هاوبه‌شیان سه‌باره‌ت به‌ هه‌ڵبژاردنه‌کانی سه‌رۆکایه‌تی و ئه‌نجومه‌نه‌کانی شار و لادێ بڵاوکرده‌وه‌ و داوایان له‌ گه‌لی کورد له‌ ئێڕان کرد که‌ ئه‌و هه‌ڵبژاردنانه‌ بایکۆت بکه‌ن. ئایا پرسی بایکۆت له‌ کوردستان سه‌رکه‌وتوو بوو ؟

له‌ به‌رنامه‌ی ڕوانگه‌ی ئه‌م حه‌وتووه‌ له‌گه‌ڵ مێوانه‌کانمان به‌ڕێزان دۆکتور ئازاد مۆرادیان، لێکوڵه‌ری سیاسی دانیشتووی کالیفۆرنیا، و ئه‌مین سۆرخابی، ڕۆژنامه‌وان له ئاڵمان ئه‌م باسه‌ تاوتۆ ده‌که‌ین.  

  Source: https://www.dengiamerika.com/a/iran/3881405.html?nocache=1

 

**************************************

 

 

vokradio.jpg

 Voice of Kurdish-American Radio for Democracy, Peace, and Freedom

free stats

 

پيامى كوميته ى كورده كانى نيشته جى ئه مريكا به بونه ى كوچى كاك فەتاح كاويان

kac4dhri_logo.jpgپيامى كوميته ى كورده كانى نيشته جى ئه مريكا به بونه ى كوچى كاك فەتاح fatah-kavianكاويان

زور به داخه وه ئاگادار كراين كه كاك فه تاح كاويان خه باتگيرى ماندو نه ناسى گه لى كورد و تێکۆشه‌رى له ميژه ى ديموكرات و يه ك له ريبه رانى گه لى كورد له روژهه لاتى كوردستان ئه ورو كوچى دووايى كردوو و بو هه ميشه بنه ماله و هاوريانى خوى به جى هيشت.
كاك فه تاح كاويان له ميژوى خه باتى شورشگيرانه ى كوردستان دا و ه ك كه سايه تيكى زانا، ماندو نه ناس، بيرمه ند و راستگو و وفادار به ريگاى خه بات بو ئازادى نه ته وى كورد ده ناسيرت و له مه يدانى خه باتى گه لى كورد وه ك ماموستايه كى ئاكاديميك وانه ى شورش و زانستى به قوتابيانى خوى فير كردووه.
كاك فه تاح كاويان پترله ٦٠ سال ته مه نى پر به هاى خوى بو خزمه ت به گه لى چه وساوه ى كورد ته رخان كردوو و تا دوا هه ناسه ى ژيانى وه ك شورشگيريگى بى وينه  سه نگه رى شورش و پيشمه رگايه تى به جى نه هيشت.
كوچى دووايى كاك فتاح كاويان خه ساريكى گه وره بو گه لى كورد و به تايبه ت بو روژهه لاتى ئه م ولاته يه.
كوميته ى كورده كانى دانيشتوى ئه مريكا پر به دل سه رخوشى خوى ئاراسته ى بنه ماله ى به ريزى كاك فه تاح، هاو سه نگه ران و هاوره يانى كاك فه تاح و بنه ماله ى گه وره ى ديموكرات و هه مو گه لى كورد ده كات و هيوادارين هاوريانى ريگاى كاك فه تاح تا گه يشتن به كوردستانيكى سه ربه خو و ئازاد ئيدامه بده ن.
د. ئازاد موراديان
به رپرسى كوميتته ى كورده كانى نيشته جى ئه مريكا بو ديموكراسى و مافى مروڤ
لوس ئه نجليس، ئه مريكا
١٧ ى مانگى ژانويه ى ٢٠١٧

بەیاننامەی کۆتایی کۆبوونەوەی هاوبەشی لایەنە سیاسییەکانی کوردستان یەکدەنگ و یەکگرتوو کردەوەی تیرۆریستی مەحکووم دەکەین

بەیاننامەی کۆتایی کۆبوونەوەی هاوبەشی لایەنە سیاسییەکانی کوردستان یەکدەنگ و یەکگرتوو کردەوەی تیرۆریستی مەحکووم دەکەین

 سه رچاوه : كوردستان و كورد

25/12/2016
bayannnnamihawbash

ئێمە نوێنەرانی  نزیک بە ٣٠حیزب و ڕێکخراوی سیاسیی بەشە جۆراوجۆرەکانی کوردستان ئەمڕۆ یەکشەمە ٢٥ی دیسەمبری ٢٠١٦ بە یەکەوە لە شوێنی تەقینەوە تیرۆریستییەکەی شەوی ١ی بەفرانباری ئەمساڵ(٢١ی دیسەمبری ٢٠١٦) لە قەڵای دیموکرات(بارەگای سەرەکیی حیزبی دیموکراتی کوردستان) لە نزیک شاری کۆیە، کۆ بووینەوە.

ئەو تاوانە تیرۆریستییە کە شەهید بوونی ٥ پێشمەرگەی دیموکرات و دوو پۆلیسی ئاسایش و برینداربوونی ژمارەیەکی دیکەی لێ کەوتەوە، بەشدارانی مەراسمێکی کردبوو بە ئامانج کە بە بۆنەی ٨٦ ساڵەی لە دایکبوونی د.قاسملووی شەهید پێک هاتبوو. ئاشکرایە ئەگەر تیرۆریستان بیانتوانیبا بۆمبەکانیان بگەیەننە نێو شوێنی مەراسمەکە بە دڵنیاییەوە کارەساتێکی زۆر گەورەتریان دەخوڵقاند.

هەر یەک لە ئێمە حیزب‌و لایەنە سیاسییەکانی بەشدار لەم کۆبوونەوەیە، پێشتر جیا جیا ئەم تاوانەمان بە توندی مەحکووم کردوە و هاوخەمیی خۆمان لە گەڵ بنەمالەی قوربانییەکان و حیزبی دیموکراتی کوردستان راگەیاندوە. ئەمڕۆش هەموومان یەکدەنگ و بە یەکەوە بۆ جارێکی دیکە ئەم کردەوە تیرۆریستیە مەحکووم دەکەینەوە و لە گەڵ بنەماڵەی قوربانیان ، دیموکراتەکان ولایەنە سیاسییەکانی ڕۆژهەلات، هاوخەمیی خۆمان دووپات دەکەینەوە.

ئەمە یەکەم جار نیە دەستی ڕەشی تیرۆر، لە هەرێمی کوردستان گیانی تێکۆشەرانی کوردی ڕۆژهەڵات دەستێنێ. لە نەوەدەکانی سەدەی ٢٠ دا بە داخەوە سەدان کادر‌و پێشمەرگە‌و ئەندام‌و لایەنگری حیزبەکانی ڕۆژهەڵات‌و بنەمالەکانیان لە باشووری کوردستان بوون بە قوربانیی پیلانە تیرۆریستییەکانی کۆماری ئیسلامیی ئێران. هەر لەم یەک دوو ساڵەی دواییش‌دا چەند پیلانی تیرۆریستی لە دژی بنکەکان‌و تێکۆشەرانی ژمارەیەک لەو حیزبانە پووچەڵ کراونەوە کە لە کاتی خۆی‌دا لە ڕێگای ڕاگەیەنە گشتییەکانەوە هەواڵەکەیان بڵاو بۆوە.

ئێمە نیگەرانین کە تاوانی تیرۆریستیی شەوی ١ی بەفرانبار‌و پیلانە پووچەڵ بۆوەکانی پێشتر، سەرەتایەک بێ بۆ ئەوەی جارێکی دیکە هەرێمی کوردستان ببێتەوە بە مەیدانی  پیلان و هەڕەشە و کردەوەی تیرۆریستیی لە دژی لایەنە سیاسییە خەباتکارەکانی ڕۆژهەڵاتی کوردستان. لە کاتێك دا نەتەوەکەمان لەباشوور و خۆراوای کوردستان لە گەڵ تێرۆریزم لە شەڕێکی بەرین دایە و قوربانیی  گەورە پێشکەش دەکاو، هەر لەم سۆنگەیەشەوە ڕێز و ئیعتیبارێکی جیهانیی  وەدەست هێناوە، چۆن دەتوانین ڕێگە بدەین ڕۆڵەکانی بەشێکی دیکەی کوردستان لە سەر خاکی هەرێم ببن بە ئامانجی تیرۆر؟ هەر دەوڵەت و لایەنێک لە ژێر هەر ناوێك‌دا دەست بۆ تێرۆر و ڕەشەکوژی ببا مەحکوومە. هەر بۆیە جگە لەوەی هەر یەک لە ئێمە لە سیاسەت و تێکۆشانی خۆمان دا دژی دەوەستینەوە، بە ئەرکی حکوومەتی هەرێم و سەرجەم دەزگا پێوەندیدارەکانیشی دەزانین ڕێگر بێت لە بەڕێوەچوونی هەرەشە و پیلانی تێرۆریستی لە دژی لایەنە سیاسییەکانی پارچەکانی دیکەی کوردستان کە لە هەرێمی کوردستان، گیرساونەوە. هەر وەها سەرنجی هاوپەیمانەتیی نێودەوڵەتی دژی تیرۆر بۆ لای تێرۆریزمی دەوڵەتی لە ناوچەکە بەرامبەر هێز و لایەنە خەباتکارەکانی بەشە جۆراوجۆرەکانی کوردستان ڕادەکێشین و پیویستی و گرنگیی بەربەرەکانی لە گەڵ ئەم جۆرە لە تیرۆریزمیان وەبیر دێنینەوە.

وێڕای مەحکوومکردنی شەڕو لەشکرکێشی، تیرۆر و سەرکوت و تۆقاندن لە لایەن دەوڵەتانی ناوچە  لە ڕووبەڕووبوونەوە لە گەڵ پرسی کورد دا، بە قووڵی باوەڕمان بەوە هەیە کە خەباتی گەلی کورد و هێزە سیاسییەکانی لە ڕۆژهەڵات و هەر پارچەیەکی دیکەی کوردستان، بە شەڕ و سەرکوت و تیرۆر لە نێو ناچێ. لە کاتێک‌دا لە سەر پشتیوانیمان لە خەباتی ڕەوای نەتەوەکەمان بۆ مافە ڕەواکانی لە هەموو بەشەکانی کوردستان پێ دادەگرینەوە، داوامان ئەوەیە سەرجەم لایەنە سیاسییەکانی کوردستان‌و ڕۆڵەکانی نەتەوەکەمان لە نێوخۆی کوردستان و لە دەرەوەی وڵات، کەمپەین وچالاکیی هاوبەش لە دژایەتی لە گەڵ  سیاسەت و بەرنامەو پیلانی تیرۆریستیدا وەڕێ بخەن.

کۆبوونەوەی هاوبەشی نزیکەی ٣٠حیزب‌و لایەنی سیاسیی هەر چوار بەشی کوردستان

٢٥/١٢/٢٠١٦

لیستی لایەنەکانی بەشدار لە کۆبوونەوەی هاوبەشي حیزبە کوردستانییەکانی هەر چوار بەشی کوردستان

 بۆ مەحکوومکردنی کردەوەی تیرۆریستی

٢٥ی دیسامبری٢٠١٦  – کۆیە

ناوەکان بە پێی تەرتیبی ئەلفوبێ:

بزووتنەوەی دێموکراتیکی گەلی کوردستان

بزووتنەوەی رزگاریی دێموکراتی کوردستان

پارتی پێشکەوتنخوازی کورد لە سووریە

پارتی دێموکراتی نیشتمانیی کورد لە سووریە

پارتی دیموکراتی کوردستان

پارتی دێموکراتیکی گەلان (هەدەپە)

پارتی کرێکاران و رەنجدەرانی کوردستان

پارتی ئازادی کوردستان

پارتی یەکیەتی دیموکرات  ( پەیەدە)

پارتی یەکیەتی دێموکراتی کورد لە سووریە
یەکیەتیی دیموکراتی کوردستان

حیزبی پێشکەوتنخوازی کوردی سووریە

حیزبی دیموکراتی کوردستان

حیزبی دیموکراتی کوردستانی ئێران

حیزبی زەحمەتکێشانی کوردستان

حیزبی شیوعیی کوردستان

حیزبی یەکیەتیی کورد لە سووریە

ڕەوتی سوسیالیستی کۆمەڵە

سازمانی خەباتی کوردستانی ئێران

کۆما جڤاکێن کوردستان(کەجەکە)

کۆمەڵەی زەحمەتکێشانی کوردستان

کۆمەڵەی شۆڕشگێری زەحمەتکێشانی  کوردستان

کۆنگرەی نەتەوەیی کوردستان

یەکگرتووی ئیسلامیی کوردستان

یەکیەتیی نەتەوەیی دێموکراتیکی کوردستان

ئەنجوومەنی نیشتمانیی كورد لە سووریا  (ئەنەکەسە)

سه رچاوه: http://www.kurdistanukurd.com/?p=15830

به يكگرتن و پيك هينانى به ره ي يكگرتوى كورد له روژهه لاتى كوردستان ، پيلانه كانى كومارى سيداره و تيرور پوچه ل كه ينه وه

kac4dhri_logo.jpg

به يكگرتن و پيك هينانى به ره ي يكگرتوى كورد له روژهه لاتى كوردستان ، پيلانه كانى كومارى سيداره و تيرور پوچه ل كه ينه وه

جاريكى كه تيروريسته كانى كومارى سيداره ى ئيسلامى ئيران له خاكى باشورى كوردستان دا ، روله دلسوزه كانى گه لى كورد، پيشمه رگه

قاره مانه كانى ديموكراتيان له خويندا گه وزاند.

 روژى سي شه ممه ٢٠ ى مانگى ديسمبرى ٢٠١٦ ى زايينى، له ئاكامى دو ته قينه وه ى چينراو به ده ست تيروريسته كانى كومارى ئيسلامى ئيران  ٦ روله ى قاره مانى گه لى كورد شه هيد و چ ن پيشمه رگه ى قاره مان و خه لكى سيويل بريندار و ئازاريان پي گه يشته وه.

به پى ئه و هه والانه ى كه له سه ر ميدياكان بلاو كرايه ته وه، ئه م كاره ساته پاش به ريوه چونى ساليادى له دايك بوونى شه هيد دكتور قاسملو له بنه كه ى سه ره كى حيزبى ديموكرات كوردستان له كويه روى داوه. زور به داخه وه ٥ ئه ندامى حيزبى ديموكرات كوردستان و يه ك كه س له مفه وه زى ئاسايشى كويه به م قه راره  تا ئيستا شه هيد بوون.

pdki_122016

١– عەلی قۆیتاسی، کادری حیزب
٢- وەهاب میر خزری، پێشمەرگەی حیزب
٣- سالار باقری، پێشمەرگەی حیزب
٤- ئەرسەلان عەباس نیا، پێشمەرگەی حیزب
٥- ناسر کەریمی، ئەندامی یەکیەتیی لاوانی دیموکرات،
٦- عەدنان عەبدوڵلا، مفەوەزی ئاسایش
 

كوميته ى كورده كانى نيشته جى ئه مريكا ويراى مه حكوم كردنى ئه م كاره ساتة، داوا له به رپرسانى ئاسايش و ئه منى هه ريمى كوردستان ده  كات كه به رپرسايه تى خويان بو ليكولينه وه و به داچونه وى ئه م كاره ساته وه ك ئه ركيكى نيشتمانى له ئه ستو بگرن و تيروريسته كان و پيلان ريژانى ئه م كاره ساته ئاشكرا و ده ستگيربكرين و له مه حكه مه ى كوردستان دا موحاكيمه بكرين. به رپرسانى هه ريمى كوردستان ده بيت به چاوديريكى زيادتر ئاگايان له ده ستگاى سيخورى و تيرورى كومارى ئيسلامى له باشورى كوردستاند بيت و ريگا نه ده ن كه كومارى ئيسلامى له خاكى كردستاند روله قاره مانه كانى كورد تيرور كات.

ئه مه جارى يكم نيه كه كومارى ئيسلامى ئيران پيشمه رگه و كاديرى شورشگيرى كورد تيرور ده كات و و تا ئيستا به ده يان جار هه ولى تيرورى كادر و ئه ندامانى ريكخراوه كانى ئوپوزسيونى كوردى روژهه لاتيان داوه و له ئاكام دا پتر له ٢٨٠ ئه ندامى ئوپوزسيونى كوردى روژهه لات له نيوان سالانى ١٩٩٣ تا ٢٠٠٦ تيرور كراون.

ئه م كاره ساته، ديسان ده يسه لمينيت كه دوژمنانى گه لى كورد هيچ چركه ساتيك له پيلان رشتن دژ به بزوتنه وه ى رزگارى خوازى كه لى

كورد نه وه ستاوه ن و به هه مو شيوازيك هه ول بو له ناو بردنى خه باتى گه لى كورد و پيشمه رگه قاره مانه كانى ئه م گه له يان هه يه.

ئه م كاره ساته ديسان ئه ركى هه ره گرينگى ئيمه بو پيك هاتنى به ره يه ى يكگرتوى گه لى كورد و هه روها پيك هاتنى به ره ى يكگرتوى رو ژهه لاتى كوردستان وه بير دينيته وه. روله كانى قاره مانى ديموكرات به يكگرتنه وه ده توانن پيلانه كانى دژى گه لى كومارى سيداره و تيرورى ئيران پوچه ل كه نه وه و ئه ركى خويان بو خه بات له ريگاى سه ربه خويى و ئازادى گه له كه مان به جى بينن.

به خه م و په ژاره يه كى زوره وه سه رخوشى له گه لى كورد، له بنه ماله ى شه هيدانى و له هه موى هاوريان و هاوسه نگه ره كاني ئه م روله قاره مانانه  ده كم و ئاواتى سه بورى و سوكنايي دلم بو بنه ماله ى دلسوز و دلسوتاوى ئه م ٦ پيشمه رگه ى شه هيدى گه ل هه يه.

 

د. ئازاد موراديان

به رپرسى كوميته ى كورده كانى دانيشتوى ئه مريكا بو ديموكراسى و مافى مروڤ

لوس ئه نجليس

١٢ ديسمبرى ٢٠١٦ى زايينى

زنجیرە وتووێژێك لەگەڵ١٢حيزب و لایەنی سیاسیی ڕۆژهەڵاتی كوردستان: یەكێتی شۆڕشگێڕانی كوردستان

زنجیرە وتووێژێك لەگەڵ١٢حيزب و لایەنی سیاسیی ڕۆژهەڵاتی كوردستان

  به شى هه شتم:  یەكێتی شۆڕشگێڕانی كوردستان

iranian_kurds_united_front_08.jpg

 

سمكۆ یەزدانپەنا سكرتێری گشتی یەكێتی شۆڕشگێڕانی كوردستان

پيشه كى:

ئاماده كارى و سه رپه ره شتى وتوويژه كان: سالار حیسامی

ڕادیۆ دەنگی كوردستان لە ئەمریكا، زنجیرە وتووێژێكی لەگەڵ دوازدە حيزب و لایەنی سیاسیی ڕۆژهەڵاتی كوردستان لەبارەی رەوتی گۆڕانكارییەكان لەڕۆژهەڵاتی ناوەڕاست و هاوكێشە سیاسییەكانی ناوچەكەو جیهان و كاردانەوەیان لەسەر ئێران، هەروەها سەرهەڵدانەوەی خەباتی چەكداری لە رۆژهەڵاتی كوردستان و پێگەی كورد لە هەنگاونانی بەرەو سەربەخۆیی و چەند تەوەرێكی دیكە ئەنجام داوە، كە لەماڵپەڕی ڕادیۆ دەنگی كوردستان لەئەمریكا، (بەڕەچاوكردنی پێوەری بێلایەنی پیشەیی) بەپێی پیتی(ئەلف بێ)ی ناوی حيزبە بەشداربووەكان بڵاودەكرێنەوە، هەر لایەنێكیش دواتر وەڵامی پرسیارەكان بداتەوە، هەر لە ریزی ئەو زنجیرە وتووێژەدا دادەنرێ.

پێویستە خوێنەرانی بەڕێز ئاگادار بكەینەوە كە ئەم زنجیرە وتووێژە لەپێش بەڕێوەچوونی شەشەمین دیداری ئەنیستیتوتی رۆژهەڵاتی ناوەڕاست بۆ توێژینەوە(مێری) لەهەولێر ئەنجام دراوەو ئەو لایەنانەش كە لەو پانێلانەدا بەشدار نەبوون، لەم زنجیرە وتووێژەدا بەشدار كراون.

بێگومان ڕۆژهەڵاتی ناوەڕاست لەدۆخێکی ئاڵۆزو پڕكێشەی ئەوتۆدایە كە ئەگەری گۆڕانکاری لەئایندەی ناوچەكەدا پتربووە، ئەوەش نكۆڵی لێ ناكرێ كە ملمڵانێی ناڕەوای ئایینی و مەزهەبی بووەتە هۆی پەرەسەندنی توندڕەوەی و تیرۆریزم، بەجۆرێك كە دەرگای بۆ دەستوەردانی دەرەكی لەئاستی وڵاتانی ناوچەیی و زلهێزانی جیهاندا كردووەتەوە، كوردیش لەو گۆڕانكارییانەدا پشكی شێری بەردەكەوێ. بۆیە بەلەبەرچاوگرتنی هەوڵدان بۆ یەكڕیزی لەپێناوی بەرژەوەندیی باڵای نەتەوەیی، تەوەری سەرەكیی وتووێژەكانمان لەبارەی زەروورەتی پێكهێنانی بiranian_kurds_12organizations.jpgەرە، یان هێزێكی هاوبەش و هەماهەنگیكار بووە بۆ ڕۆژهەڵاتی كوردستان و هەوڵدراوە كۆسپەكانی بەردەم ئەو هەنگاوە پێویستە تاوتوێ بكرێ. لەوانەشە زۆر كەس گەورەیی و مێژووی ڕابردووی خەبات و قوربانیدانی لایەنەكان بەلایانەوە پێوەر بێ، ئێمەش وەك چاودێر و میدیاكار، شرۆڤەی تایبەت و بابەتییانەمان بۆ قورسایی هەر لایەنێك هەیە، بەڵام ئەركی پیشەیی ناچارمان دەكا، هیچ لایەن و حزبێ نادیدە نەگرین، ئەوەشی وا دوابڕیاردەرە كە كام لایەن جەماوەریترە، ئیرادەی گەلی كوردستانەو ئەو بڕیارە بۆ هاووڵاتییانی كوردستانی بەجێدەهێڵین.

هیوادارین ئەركی خۆمان وەك میدیاكاری بێلایەن بەباشی جێبەجێ كردبێ.

ریزبەندیی بەشداربووانی بەڕێز:

١- بزووتنەوەی کۆماریخوازانی رۆژهەڵاتی کوردستان
٢– پارتی ئازادیی كوردستان
٣-پارتی ژیانی ئازادی كوردستان(هێشتا وەڵامی نەداوەتەوە)
٤- پارتی سەربەستیی کوردستان
٥- پارتی لیبڕاڵ دیموكراتی كوردستان
٦-حيزبی دیموكراتی كوردستان (هێشتا وەڵامی نەداوەتەوە)
٧-حيزبی دیموكراتی كوردستانی ئێران(هێشتا وەڵامی نەداوەتەوە)
٨- رێكخراوی كوردستانی حزبی‌ كۆمۆنیستی‌ ئێران- كۆمەڵە
٩- سازمانی خەباتی كوردستانی ئێران
١٠- كۆمەڵەی زەحمەتكێشانی كوردستان
١١-کۆمەڵەی زەحمەتکێشانی کوردسـتانی ئێران (هێشتا وەڵامی نەداوەتەوە)
١٢- یەكێتی شۆڕشگێڕانی كوردستان

سمكۆ یەزدانپەنا سكرتێری گشتی یەكێتی شۆڕشگێڕانی كوردستان:

دیمانە: سالار حیسامی

* پرسیاری یەكەممان با ئەوە بێت، ماوەیەكە لە ڕۆژهەڵاتی كوردستان خەباتی چەكداری سەری هەڵداوەتەوەو ئەو شێوازەی خەباتیش خوێندنەوەی جیاوازی بۆ دەكرێ، بەتایبەتی لەم دۆخەدا كە ڕۆژهەڵاتی ناوین بەرەو گۆڕانكاری ژیئۆپۆلیتیك ی هەنگاو دەنێت، هەڵوێستی ئێوە لەوبارەوە چییە؟

** بە بۆچوونی من هەر نەتەوەیەك كە نیشتمانەكەی داگیركرابێت و مافی دیاریكردنی چارەنووسی سیاسیی لێ سەندرابێتەوە، ئەوە لە هەر گۆشەیەكی ئەم جیهانەدابێت، مافی خۆیەتی لەسەرجەم مێتۆدەكانی خەبات كەڵك وەرگرێت، شەڕی چەكداری شۆڕشگێڕانەش یەكێك لەو مێتۆدە هەرە گرنگانەی خەبات لەدژی داگیركەران بە ئەژمار دەكرێت، چ لە رابردوو، چ لە ئێستادا. خوێندنەوە بۆ ئەو شێوازە لە خەبات بە پێوەری جیهانبینی و فەلسەفەی سیاسی هەر حزب و لایەنێك بەرجەستە دەكرێت.

یەكێتی شۆڕشگێڕانی كوردستان لەسەرەتای دامەزراندنیەوە تا هەنوكە باوەڕی وابووە كە خەباتی چەكداری شۆڕشگێڕانە لەدژی داگیركەرانی ڕۆژهەڵاتی كوردستان تا ئەو كاتەی دان بە مافە رەواكانی نەتەوەكەماندا نەنرێت، بە ماف و ئەركی هەر حزبێكی شۆڕشگێڕی دەزانین. هەر لەو پێوەندییەدا ئەگەریش گۆڕانكاری جوگرافی – سیاسی واتە ژیئۆپۆلیتیك لە ڕۆژهەڵاتی ناوەڕاست هەڵتەكاندنی ئەو جوگرافییە سیاسییانەیە كە بریتانیا و فەرانسە لە سەدەی رابردوودا لەسەر دەستی هەردوو دیپلۆماتی سەربازی واتە سایكس و پیكۆ دروست كرا، لە بەرژەوەندی كوردەكانی كوردستانی مەزندا تەواو بێت، هەر بەو پێوەرەش ئێمەی خەباتكار شێوازی خەباتەكەمان گۆڕانی بەسەردا دێت.

* رایەك هەیە پێداگری لەوە دەكات كە لە باشوری كوردستان جۆرێك لە سانسۆری هەواڵەكانی ڕۆژهەڵاتی كوردستان بەدی دەكرێت، لە بەشێكی دیكەش بایەخی تەواوی پێدەدەن. چ خوێندنەوەیەكتان بۆ ئەو رایە هەیە؟

** باشووری كوردستان نەبووەتە دەوڵەت، یەكێتی ئیداری و حكوومی و نەتەوەیی لە باشووری كوردستان لاوازە، حزبەكان بە پێوەری نزیكی لە دەوڵەتەكانی هەرێمی و جیهانی هەڵوێستەكانیان دەگۆڕن، هەر بەو پێوەرەش میدیاكان و میدیاكارانیش كارتێكەریان لەو ئەتمۆسفێرە سیاسی – دیپلۆماسییە وەرگرتووە. بەڵام بەگشتی وا بۆ دووساڵ دەچێت میدیا مۆدێرن و پێشكەوتووەكانی باشووری كوردستان بە ویژدانەوە باس لە هەرجۆرە رووداوێكی پارچەكانی دیكەی كوردستان دەكەن.


* پێوەندییەكانی كوردی ڕۆژهەڵاتی كوردستان و ئۆپۆزیسیۆنی ئێرانی چۆنە و ئایا ئەو ئەزموونەی باشووری كوردستانتان لەبەرچاو گرتوە كە كاتی خۆی لەگەڵ حزبە عێراقییەكان لەدژی حكومەتی بەعس لە بەرەیەكدا بوون و ئێستا هەر ئەوان بوودجە و مووچەی خەڵكی كوردستانیان بڕیوە؟


** بە بۆچوونی من چ لە رابردوو و چ لە ئێستا حزبێكی پان ئێرانیست نییە كە باوەڕی بە مافی چارەنووسی گەلانی بندەستەی كۆماری ئیسلامی ئێران بووبێت و هەبێت. جوگرافیای سیاسیی ئێران پتر لە شەش نەتەوەی تێدا بەند كراوە. هەنووكە بەرەی پێكهاتوو لە نەتەوەكانی بندەستی ئێراندا بوونی نییە، ئەوەی كە هەشە بڕوای بە مافی دیاریكردنی چارەنووس نییە، كەوابوو ئەگەر ئەو هێزانە بڕوایان بە مافی دیاریكردنی چارەنووس نەبێت، بۆ چ مەبەستێك دەبێ لەگەڵ ئۆپۆزیسیۆنی ئێرانی دەرەوەی كورد هەوڵ بدرێت. ئەمە لە لایەك، لە لایەكی دیكەشەوە خودی ئەحزابی كوردیش لە ڕۆژهەڵاتی كوردستان لە پێوەندیەكی زۆر لاوازدان و هیچ جۆرە ئیئتلافێك بوونی نییە.
سەبارەت بە هەلومەرجی ئێستای باشووری كوردستانیش هاوكات لەگەڵ ئەوەیكە عێراقییە سیاسییەكان لە رابردوودا لەبەرەیەكدا بوون لەگەڵ كورد و ئێستا لە دەسەڵاتدان لە دژی كورد، خۆی سیاسەت وایە، نە دۆستی هەتا سەر هەیەو نە دوژمنی هەتاهەتایی، بەڵام ئەگەر حزبەكانی باشووری كوردستان لەناو خۆیاندا تەبا و یەكڕیز بایەن، هەنووكە دەسەڵاتدارانی بەغدا بەئاسانی نەیاندەتوانی كورد لە داهاتی گشتی عێراق بێبەش بكەن.

* بۆچی لەناو بزووتنەوەی رزگاریخوازی كوردستاندا لەسەر ئاستی هەموو پارچەكان پڕۆژەیەكی نەتەوەیی، یان لانیكەم لەسەر رەهەندە گشتییەكان نابیندرێ و بۆچی كۆنگرەی نەتەوەیی پەكی كەوت؟

** كوردستان پتر لە سەد ساڵە داگیرو دابەش كراوە، هەر ئەوەش هۆكاری سەرەكییە كە هەر پارچەیەك لە كوردستان خاوەن سەركردایەتییەكی سیاسی خۆی بێت و لە خەمی پاراستنی بەرژەوەندی خۆیدا بێت، ئەمە لەلایەك و لەلایەكی دیكەشەوە خۆی هاوهەڵوێستی و هاوڕابوونیش لەمابەینی ئەحزابی هەر نەتەوەیەك پێوەندی بە كەلتووری ئەو نەتەوەوە هەیە، كوردستانیان خاوەنی ئەو كەلتوورە نین كە پێویستە لە گۆڕەپانی سیاسیدا بمانبێت. دووەم كۆنگرەی نەتەوەیی لەسەرەتاوە تاكو هەنوكە من باوەڕم پێی نەبووە، چونكە هەركامە لە حزبەكانی باكوور و باشوور تەنیا لەپێناو بەرژەوەندی خۆیاندا سیاسەتی كۆنگرەیان دادەڕشت، من لەو پێوەندییەدا لەساڵی ٢٠١٣ وتارێكی رەخنەگرانەم لەژێرناوی “تا كۆنگرە نەبەستراوە، با كۆنفرانسی خۆمان ببەستین” بڵاو كردەوە، مەبەستەم لەو وتارە ئەوەبوو كە مادام كۆنگرەی نەتەوەیی لە خزمەت پارچەیەك، یان دوو پارچەی كوردستاندایە، ئەوە ئێمەی كوردانی ڕۆژهەڵاتیش دەبێ لە خەمی بەرژەوەندی ڕۆژهەڵاتی كوردستاندابین.


* دەگوترێ باسی پێكهێنانی بەرەی كوردستان لە ڕۆژهەڵاتی كوردستان بووەتە پرسێكی سەرزارەكی، لەبەر ئەوەی هەموو حزب و لایەنەكان بە دەیانجار لەبەر دەم مایكی میدیاكاندا ئامادەیی خۆیان بۆ پێكهێنانی ئەو بەرەیە دەربڕیوە كەچی تا ئێستا وەك پراكتیك هیچ ئەنجامێكی لێ نەكەوتووەتەوە، بەڵام لەم دۆخەدا كە گۆڕانكاری جددی لەناوچەكەدا روویداوەو وەرچەرخانێكی دیكەش بەڕێوەیە، تا چەندە هەوڵتان داوە پێكهێنانی بەرەی كوردستانی لە قاڵبی دروشم دەربچێت، یان وەك لایەنە سیاسییەكانی ڕۆژهەڵاتی كوردستان لانیكەم جۆرێك لە هەماهەنگی لەنێوان خۆتاندا دروست بكەن؟

** مەسەلەكە لەوە گەورەترە كە لەبەردەم مایك، یان لە سیمینارێكدا باس بكرێت. یەكێتی شۆڕشگێڕانی كوردستان ٢٥ ساڵ لەمەوبەر لەنامیلكەیەكدا كە لەلایەن دامەزرێنەری حزبمانەوە واتە كاك سەعیدی یەزدانپەنا تایبەت بە زەروورەتی پێكهێنانی بەرەی كوردستانی تا ئەو ئاستە باسی لێوە كردووە كە بە یەكێك لە پێشمەرجەكانی سەركەوتنی بزووتنەوەی رزگاریخوازانەی گەلەكەمان لە ڕۆژهەڵاتی كوردستان ئەژمار كراوە. ئەمە لە حاڵێكدایە هەموو ساڵێك و لە هەموو بۆنەكاندا كۆمیتەی ناوەندی حزبمان ئەو مەسەلەیە دەمەزەرد دەكاتەوە. بەڵام ئەمە نەبووەتە كەلتووری هەموومان، تاكو ئێستا مەسەلەی پاراستنی بەرژەوەندی حزبی باڵادەستترە لە مەسەلەكانی دیكە و پرسی نەتەوەیی.


* كۆبوونەوەی هەندێك لە حزبە سیاسییەكانی ڕۆژهەڵاتی كوردستان لەپێناوی هەماهەنگی و كاری هاوبەش تا چەند پرۆسەیەكی كارایەو ئەوەش كە دەگوترێ جۆرێك لە تەریكخستن، یان نادیدەگرتنی لایەنگەلێكی دیكەی لێ كەوتۆتەوە، تا چەندە راستە؟

** خۆزگە حزبەكانی ڕۆژهەڵاتی كوردستان خاوەن ئەو كەلتوورە سیاسییە بووایەن كە كۆبوونەوەكانمان بۆ پێشخستنی پرۆسەكە بووایە، من لە یەك دەیەی رابردووەوە تاكو ئێستا شاهیدی یەك كۆبوونەوە نەبووم كە خزمەت بە پرسی كوردی ڕۆژهەڵات بكات. لەراستیدا حزبی سیاسی دەبێت پێشڕەو بێت و پێش ئەحداس بكەوێت، بەڵام هەر كاتێك شتێك روودەدات، ئەوە لەپاش روودانەكە ئێمە دەكەوینە خەیاڵی ئەوەی كە چی بكەین؟ ئەم وەڵامانە رەنگە عومق و قووڵایی فەلسەفییان نەبێت، بەڵام ئەگەر راستگۆیانە و بەرپرسیارانە لەگەڵتان بدوێم، هەر وەڵامێكم لەوپەڕی قووڵایی مەوزووعەكەدایە.

* بە یەكگرتنەوەی ديموكرات و كۆمەڵەكان تاچەند زەمینەی هاوكاری و خەباتی هاوبەشی گشت حزب و لایەنە سیاسییەكانی ڕۆژهەڵاتی كوردستان خۆش دەكات؟

** ئەگەر راستگۆ بم لەگەڵتان ئەوە دەبێ بڵێم نەك بە یەكگرتنەوەی ئەوان، بەڵكوو بە یەكگرتنەوەی سەرجەم ئەو حزب و لایەنانەی كە ئینشعاب و دوولەتبوونیان تێ كەوتووە، هیچ گۆڕانكارییەكی ئەوتۆ ڕوونادات. لەساڵی ٢٠٠٧هەموومان ئینشعابمان تێكەوت، بەڵام پێش ٢٠٠٧ خۆ ئینشعاب نەبوو، كەچی هیچ هاوكاری و هەماهەنگییەكی ئەوتۆشمان لەمابەیندا نەبوو. بە بڕوای من یا دەبێت لە هەوڵی گۆڕینی ئەو كەلتوورە زاڵەدا بین كە لەو چەقبەستووییە دەربێین، یاخود زلهێزێكی دەرەكی بەرەو ئاراستەی هەماهەنگی و یەكڕیزیمان بەرێت.

* ئەمریكا و وڵاتانی ڕۆژئاوا دەمێكە دۆسیەی ناوكی، پرسی دێموكراسی و فایل و راپۆرتەكانی مافی مرۆڤ لەدژی كۆماری ئیسلامی ئێران دەجووڵێنن، تاچەندە بەوە گەشبینن كە ئەو فشارانە ئەگەری رێفۆرم لەو وڵاتەدا بڕەخسێنێ و ئایا تا ئێستا كاریگەرییەكی ئەرێنی هەبووە؟

** من فشارەكانی ئەمریكا و ئوروپا بۆسەر رێژیمی ئێران بەجددی نابینم، لانیكەم تاكو ئێستا زۆر كاریگەری نەبووە، ئەمە لەلایەك، لەلایەكی دیكەشەوە پێكهاتەی كۆماری ئیسلامی ئێران و سەرجەم داگیركەرانی كوردستان و دیكتاتۆرەكان وانەبووە كە هەر جۆرە لە فشار بەرەو رێفۆرمیان بەرێت، نموونەی ئەو جۆرە دەوڵەتانە لە ڕۆژهەڵاتی ناوەڕاست كەم نییە، یان دەبێت بە گورزی سەربازی، یان راپەڕینێكی خاوەن پشتیوانی دەرەكی بەرەو نەمانیان بەرێت، دەنا رێفۆرم زۆر ئاستەمە و لە روانگەی منەوە تەنیا دەوڵەتانی خاوەن پێشینەی دیموكراسی جەوهەری رێفۆرمیان تێدا مەوجوودە.

* دواپرسیارمان با گریمانەی ئەوە بێت كە كۆماری ئیسلامی ئێران داوای وتووێژ و چارەسەری ئاشتییانەی كێشەی كورد لە ئێران بكات، ئەگەر وەك رێكخراوێكی سیاسی مافی چالاكی سیاسی و مەدەنیتان لە ڕۆژهەڵاتی كوردستان پێ بدرێت، چۆن مامەڵە لەگەڵ ئەو پێشنیارە دەكەن و تاچەندە ئەو ئەگەرە بە بەشێكی مەحاڵ دەزانن؟

** بەپێی شناخت و ناسین و ئەزموونێك كە لە رێژیمی ئێرانمان هەیە، من ئەو ئەگەرە بە مەحاڵ دەزانم. بەڵام هەر كاتێك ئەو رێژیمە پاشگەز بوو لە نەفی كردنی ئێمەو دەستی هەڵگرت لە ئێعدامی رۆڵەكانی نەتەوە بندەستەكان و هاتە سەر ئەو سیاسەتەی كە چارەسەری كێشەی گەلانی بندەست لە رێگەی دیالۆگ و وتووێژەوە بێت و بۆ خەباتی سیاسی و مەدەنی دەرفەتی رەخساند، ئەوە بێ یەك و دووكردن ئێمە رازی دەبین و مێتۆدی خەباتمان دەگۆڕین.

 

**************************************
 

vokradio.jpg

 Voice of Kurdish-American Radio for Democracy, Peace, and Freedom

free stats

زنجیرە وتووێژێك لەگەڵ١٢حيزب و لایەنی سیاسیی ڕۆژهەڵاتی كوردستان: كۆمەڵەی زەحمەتكێشانی كوردستان

زنجیرە وتووێژێك لەگەڵ١٢حيزب و لایەنی سیاسیی ڕۆژهەڵاتی كوردستان

  به شى حه وتم :

كۆمەڵەی زەحمەتكێشانی كوردستان

iranian_kurdish_united_front.jpg

عومەر ئیلخانیزادە سكرتێری كۆمەڵەی زەحمەتكێشانی كوردستان

پيشه كى:

ئاماده كارى و سه رپه ره شتى وتوويژه كان: سالار حیسامی

ڕادیۆ دەنگی كوردستان لە ئەمریكا، زنجیرە وتووێژێكی لەگەڵ دوازدە حيزب و لایەنی سیاسیی ڕۆژهەڵاتی كوردستان لەبارەی رەوتی گۆڕانكارییەكان لەڕۆژهەڵاتی ناوەڕاست و هاوكێشە سیاسییەكانی ناوچەكەو جیهان و كاردانەوەیان لەسەر ئێران، هەروەها سەرهەڵدانەوەی خەباتی چەكداری لە رۆژهەڵاتی كوردستان و پێگەی كورد لە هەنگاونانی بەرەو سەربەخۆیی و چەند تەوەرێكی دیكە ئەنجام داوە، كە لەماڵپەڕی ڕادیۆ دەنگی كوردستان لەئەمریكا، (بەڕەچاوكردنی پێوەری بێلایەنی پیشەیی) بەپێی پیتی(ئەلف بێ)ی ناوی حيزبە بەشداربووەكان بڵاودەكرێنەوە، هەر لایەنێكیش دواتر وەڵامی پرسیارەكان بداتەوە، هەر لە ریزی ئەو زنجیرە وتووێژەدا دادەنرێ.

پێویستە خوێنەرانی بەڕێز ئاگادار بكەینەوە كە ئەم زنجیرە وتووێژە لەپێش بەڕێوەچوونی شەشەمین دیداری ئەنیستیتوتی رۆژهەڵاتی ناوەڕاست بۆ توێژینەوە(مێری) لەهەولێر ئەنجام دراوەو ئەو لایەنانەش كە لەو پانێلانەدا بەشدار نەبوون، لەم زنجیرە وتووێژەدا بەشدار كراون.

بێگومان ڕۆژهەڵاتی ناوەڕاست لەدۆخێکی ئاڵۆزو پڕكێشەی ئەوتۆدایە كە ئەگەری گۆڕانکاری لەئایندەی ناوچەكەدا پتربووە، ئەوەش نكۆڵی لێ ناكرێ كە ملمڵانێی ناڕەوای ئایینی و مەزهەبی بووەتە هۆی پەرەسەندنی توندڕەوەی و تیرۆریزم، بەجۆرێك كە دەرگای بۆ دەستوەردانی دەرەكی لەئاستی وڵاتانی ناوچەیی و زلهێزانی جیهاندا كردووەتەوە، كوردیش لەو گۆڕانكارییانەدا پشكی شێری بەردەكەوێ. بۆیە بەلەبەرچاوگرتنی هەوڵدان بۆ یەكڕیزی لەپێناوی بەرژەوەندیی باڵای نەتەوەیی، تەوەری سەرەكیی وتووێژەكانمان لەبارەی زەروورەتی پێكهێنانی بiranian_kurds_12organizations.jpgەرە، یان هێزێكی هاوبەش و هەماهەنگیكار بووە بۆ ڕۆژهەڵاتی كوردستان و هەوڵدراوە كۆسپەكانی بەردەم ئەو هەنگاوە پێویستە تاوتوێ بكرێ. لەوانەشە زۆر كەس گەورەیی و مێژووی ڕابردووی خەبات و قوربانیدانی لایەنەكان بەلایانەوە پێوەر بێ، ئێمەش وەك چاودێر و میدیاكار، شرۆڤەی تایبەت و بابەتییانەمان بۆ قورسایی هەر لایەنێك هەیە، بەڵام ئەركی پیشەیی ناچارمان دەكا، هیچ لایەن و حزبێ نادیدە نەگرین، ئەوەشی وا دوابڕیاردەرە كە كام لایەن جەماوەریترە، ئیرادەی گەلی كوردستانەو ئەو بڕیارە بۆ هاووڵاتییانی كوردستانی بەجێدەهێڵین.

هیوادارین ئەركی خۆمان وەك میدیاكاری بێلایەن بەباشی جێبەجێ كردبێ.

ریزبەندیی بەشداربووانی بەڕێز:

١- بزووتنەوەی کۆماریخوازانی رۆژهەڵاتی کوردستان
٢– پارتی ئازادیی كوردستان
٣-پارتی ژیانی ئازادی كوردستان(هێشتا وەڵامی نەداوەتەوە)
٤- پارتی سەربەستیی کوردستان
٥- پارتی لیبڕاڵ دیموكراتی كوردستان
٦-حيزبی دیموكراتی كوردستان (هێشتا وەڵامی نەداوەتەوە)
٧-حيزبی دیموكراتی كوردستانی ئێران(هێشتا وەڵامی نەداوەتەوە)
٨- رێكخراوی كوردستانی حزبی‌ كۆمۆنیستی‌ ئێران- كۆمەڵە
٩- سازمانی خەباتی كوردستانی ئێران
١٠- كۆمەڵەی زەحمەتكێشانی كوردستان
١١-کۆمەڵەی زەحمەتکێشانی کوردسـتانی ئێران (هێشتا وەڵامی نەداوەتەوە)
١٢- یەكێتی شۆڕشگێڕانی كوردستان

عومەر ئیلخانیزادە سكرتێری كۆمەڵەی زەحمەتكێشانی كوردستان


دیمانە: سالار حیسامی

* پرسیاری یەكەممان با ئەوە بێت، ماوەیەكە لە رۆژهەڵاتی كوردستان خەباتی چەكداری سەری هەڵداوەتەوە و ئەو شێوازی خەباتەش لەم دۆخەدا كە رۆژهەڵاتی ناوین بەرەو گۆڕانكاریى ژیوپۆلۆتیكی هەنگاو هەڵدەگرێ، خوێندنەوەى جیاوازی بۆ دەكرێت. هەڵوێستی كۆمەڵەی زەحمەتكێشانی كوردستان لەو بارەیەوە چییە؟

** بەر لە هەموو شتێك دەبێ ئەوەتان عەرز بكەم كە خەباتی چەكداری و ئەلتەرناتیڤی چەكداری لە ڕۆژهەڵاتی كوردستان نەبڕاوە و هیچ حزبێكی ڕۆژهەڵاتی كوردستان ئەو خەباتەی رەدنەكردووەتەوە. ئێمە دەورانێك شكستی نیزامیمان خوارد، پشت جەبهەمان نەما، ئەوكات بە هۆی ڕاوەستانی شەڕی عێراق و ئێران و ئەنفالەكانی كورد لە باشووری كوردستان و زۆر فاكتەری دیكە و بۆ ئەوەی لە ناو خاكی كوردستانی عێراق بارەگا و جێگە و ڕێگەی پێشمەرگەمان بمێنێتەوە، دواتريش لە بەر بەرژەوەندییەكانی هەرێمی كوردستان، ئێمە زۆر بە وشیارییەوە كارمان كردووە و نەمانویست بارگرانییەكی زۆرتر بخەینە سەر ئەو هەرێمە تازەپێگرتووە. بەڵام ئەوەی كە هەیە نابینم حزبەكانی ڕۆژهەڵاتی كوردستان دژایەتی خەباتی چەكدارییان كردبێ، لە سەر شێواز و چۆنیەتییەكەیەتی كە ئێمە دەبێ ڕێكبكەوین. بەر لە هەموو شتێك هیچ خەباتێكی چەكداری بە بێ خەباتی سیاسی ناتوانێ سەركەوتوو بێ. ئێمە دەبێ كارێك بكەین كە هەماهەنگیی زیاتر هەبێ لە نێوان حزبەكانی ڕۆژهەڵاتی كوردستان و بە جۆرێك ئامادەكاری بكەین بۆ ئەو دەورەیە كە هەم خەسار و گرفتمان كەمتر بێ، هەم بتوانین كارێكی بەردەوام دەست پێ بكەین. ئێمە لەم بابەتەوە تێبینییەكەمان ئەوەیە كە پێویستە ئامادەكاریی زۆرتر، هەماهەنگیی گشتی، تەزمینی كارێكی بەردەوام و پێكەوەلكاندنی خەباتی سیاسی و خەباتی چەكداریمان هەبێ.

* بەڵام دەگوترێ هەر لە ناو سەركردایەتی كۆمەڵەی زەحمەتكێشانی كوردستان (وەك شەخس، نەك وەك باڵ) بۆچوونی جیاواز و تەنانەت دژبەر هەیە لە سەر هەڵگیرسانەوەی خەباتی چەكداری لە رۆژهەڵاتی كوردستان، ئەوە تا چەند راستە؟

** ئەوە هیچ ڕاستییەكی تێدا نییە. كۆمەڵەی زەحمەتكێشانی كوردستان لە ساڵی 2008ـەوە پێداگری لەسەر ئەوە كردووە كە ئێمە دەبێ كارێك بكەین، هێزی پێشمەرگە لە سنوورەكان جێگیر بن و باریش نەبین بە سەر هەرێمی كوردستانەوە، هەموو جارێكیش ئەوەمان وتووە كە ئێمە ئەو لایەنەین كە تەرەفداری ئەوەین ئامادەكاری بكرێ و هێزی پێشمەرگەش مافیەتی كە بەرگری لە وڵاتی خۆی بكا، ئەوەش سیاسەتی حزبی و ئوسووڵی ئێمەیە، نەك هەر لە ئێستا، لە ساڵی 2008ـەوە پێداگریمان لەسەر ئەوە كردووە. لەو دۆخەی ئێستاشدا ئێمە پشتیوانیمان لە حزبی دیموكراتی كوردستانی ئێران لە بەرامبەر كۆماری ئیسلامیدا كردووە، پارەكەش كە حزبی دیموكراتی كوردستان شەهیدی دا، ئێمە پشتیوانیمان كردووە، بەڵام ئێمە بە تەواو و بە كافی نازانین. ئێمە لە ساڵانی 2008، 2009، 2010 و 2011ـەش چالاكیی چەكداریمان كردووە و شەهیدمان بووە، بەڵام هیچ كام لەوانە نەبووەنەتە هۆی ئەوەی كە هێزی پێشمەرگە لەو خەباتە چەكدارییە بەردەوام بێ. دیارە بەربەستی جۆراوجۆرمان لەبەردەمە. ئێمە بڕوامان بە خەباتی چەكداری هەبووە و لە ئێستاشدا دەبێ هەموو لایەنەكان بە هەموو وجوودە ئامادەكاری بۆ بكەین، لە ئیستقراری هێزەكانی پێشمەرگە لە سنوورەكانەوە، هەتا دروستكردنی هێز لە ناوەوە. كۆمەڵەی زەحمەتكێشانی كوردستان، ئەم بەحسەی تیا نییە، كە خەباتی چەكداری بكەین، یا نەیكەین، بەڵام ئێمە سنووری خۆمان هەیە و وتەبێژی فەرمیمان هەیەو هەم من و هەم كاك رەزا كەعبی باسی ئەوەمان كردووە كە پێویستە ئامادەكاری تەواوی بۆ بكرێ. چالاكيی چەكداری كراوە و ڕاگەیاندنی دەرەوەش بە بایەخەوە ڕووماڵی كردووە. هەر ئەوەش كە ئێستا تەلەفزیۆنەكانی كەناڵی ئاسمانی كوردستان 24 و رووداو بە شێوەیەكی پڕۆفیشناڵ هەواڵەكانی ڕۆژهەڵاتی كوردستان بڵاودەكەنەوە، مایەی دڵخۆشییە كە گرنگی بە رووداوەكانی ڕۆژهەڵاتی كوردستان دەدەن.

* باسی كەناڵی ئاسمانی كوردستان 24 و رووداو-تان كرد، كە بە شێوەیەكی پڕۆفیشناڵ ڕووماڵی هەواڵەكانی ڕۆژهەڵاتی كوردستان دەكەن، بەڵام ڕایەك هەیە پێداگری لەوە دەكا، كە لە زۆنی سەوز جۆرێك لە سانسۆری هەواڵەكانی رۆژهەڵاتی كوردستان بەدی دەكرێ، چ خوێندنەوەیەكتان بۆ ئەو بابەتە هەیە؟

** ئەوەی كە چۆنە هەموو خەڵك بۆ خۆیان دەیبینن، بەڵام ئەوەی پێویستە بیڵێین ئەوەیە كە بۆ ڕووماڵكردنی هەواڵەكانی ڕۆژهەڵاتی كوردستان و حزبەكانی ڕۆژهەڵاتی كوردستان سوپاسی كەناڵی ئاسمانی كوردستان 24 و بەتایبەتی ڕووداو دەكەین.

* ئەمریكا و وڵاتانی رۆژئاوا دەمێكە دۆسیێ ناوكی، پرسی دیموكراسی و فایل و ڕاپۆرتەكانی مافی مرۆڤ لە دژی كۆماری ئیسلامی ئێران دەجووڵێنن، تا چەند بەوە گەشبینن كە ئەو فشارانە ئەگەری ریفۆرم لەو وڵاتەدا بڕەخسێنێ و ئایا تا ئێستا كاریگەرییەكی ئەرێنی هەبووە؟

** ئێمە هیچ بڕوایەكمان بەوە نییە كە كۆماری ئیسلامی ئێران دەتوانێ بەرەو ڕیفۆرم بڕوا، يان گۆڕانكاری لە سیاسەتیدا بكرێ و جۆرێ كرانەوەی تێدا دروست بێ، یان بە جۆرێك ڕوو بە دیموكراسی بڕوا. ئەوە لە دەورەی ڕەفسەنجانی و خاتەمی نەكرا، ئەحمەدی نەژادیش نەیكردو مووسەوی و كەرووبی بۆیان نەكرا، رۆحانی-یش بۆی ناكرێ، ئەوە موممكین نییەو تەنیا تەوەهومە. لە دەروەی ئیسڵاحتەڵەبەكان ئەو پرس و هاوكێشانە هەنگاوێك نەچوونە پێشێ، بۆیە ئێمە هیچ هیوایەك لەسەر ئەوە هەڵناچنین، بەتایبەتی بەرانبەر بە پرسی كورد، هەڵچنینی دیواری لەو جۆرە تەنیا هێشتنەوەی خەڵكی كوردستانە لە چاوەڕەوانیدا، ئەوەش وەهمێكە كە تا ئێستا زیانی بەتایبەتی بۆ بزووتنەوەی كورد بووە. بێگومان نە باڵی توندئاژۆی كۆماری ئیسلامی ئێران و نە باڵی ئیسڵاحتەڵەب خەمی پرسی كوردیان نییەو لەو بوارەشدا هیچ كارێك بۆ كوردو دەستەبەری مافەكانی ناكەن، هیوابەستنيش بە باڵی ئیسڵاحتەڵەبی ئێران گرەوكردنەوە لە سەر ئەسپی دۆڕاو.

* كەواتە وڵاتاتی ڕۆژئاوا و بەتایبەتی ئەمریكا بۆچی بە سیاسەتی نەرم لەگەڵ ئێران مامەڵە دەكەن؟

** ئەمریكا و وڵاتانی رۆژئاوا هەڵەی زۆر گەورەیان كرد چ لە سەردەمی رەفسەنجانی و چ لە دەورەی خاتەمی و ئێستاش كە رۆحانییە، پێیانوابوو بە بالێ رێفۆرمخواز گۆڕانكاری لە سیاسیەتی ئێراندا دەكرێ. ئەو وڵاتانە ناتوانن دەست لە ئێران هەڵبگرن، دەنا هەمووان دەزانن كە ئەو هەموو ناعەداڵەتییە و ئەو سیاسەتە كە كۆماری ئیسلامی بەڕێوەی دەبا، هەر هەمان سیاسەتی داعشە و هەمان شەریعەتی ئایینی و توند لە ئێران بەڕێوەدەچێ. هەموو رۆژێ زۆرترین ئێعدام لە ئێران بكرێ، هیچ ڕۆژنامەیەك ئازاد نەبێ، هیچ نەتەوەیەك بچووكترین مافی نەبێ، زەڕەییەك ئەوەی پێی دەگوترێ دیموكراسی بوونی نەبێ، بە ئاشكراش بەرانبەر بە هەموو جیهان بڵێن دیموكراسی شتێكی خراپە و ئێمە لە دژی بە شەڕ دێین، لە ناوخۆ و لە هەموو وڵاتانی دراوسێ و جیهان تیرۆر بكەن، لەگەڵ هەموو گرووپێكی تیرۆریستی لە وڵاتانی عەرەبی پێوەندی بگرێ، چۆن دەكرێ وڵاتێكی ئاوەها بەرەو كرانەوەیەك، یان بەرەو دیموكراسی بڕوا؟

* پێوەندییەكانی كوردی ڕۆژهەڵاتی كوردستان و ئۆپۆزیسیۆنی ئێرانی چۆنە و ئایا ئەو ئەزموونەی باشووری كوردستانتان لەبەرچاو گرتووە كە كاتی خۆی لەگەڵ حزبە عێراقییەكان لە دژی حكومەتی بەعس لە بەرەیەكدا بوون و ئێستا هەر ئەوان بودجە و مووچەی خەڵكی كوردستانیان بڕیوە؟

** ئەو سیاسەتەی كە ئەو كات عێراقی دابەش كرد لەسەر بنەمای شیعە و سوننی و كورد، غەڵەت بوو. دەبوا ئەوەیان ڕەچاو بكردایە كە ئەوەی بە ناوی مەزهەبەوە دێ، بچووكترین ئاستی دیموكراسی قبووڵ ناكا. ئەزموونی عێراقی نوێیش نیشانی دا، هەموو غەدرێك لە كورد كراوە، واتە پاشەكشەی حكوومەتی ناوەندی لە هەموو بڕیار و قەرارات و ڕێككەوتنەكان دەریخست كە لەگەڵ حكوومەتێكی مەزهەبی و ئیسلامی ناتوانی باسی فیدراتیڤ و باسی شەراكەت بكەی. بەتایبەتی حكوومەتی ئێستای عێراق كە یەكێك لە حكوومەتە دەستنیشاندەكانی ئێرانە و ئێران ڕێبەرایەتی هیلالی شیعە لە هەموو ڕۆژهەڵاتی ناوەڕاست دەكات و خۆی بە زلهێزی ڕۆژهەڵاتی ناوەڕاست دەزانێ و یەكەم دەوڵەتی مەزهەبییە كە لەو ناوچەیەدا دین و شەریعەت و مەزهەبی بە سەر سیاسەتدا زاڵ كردووە. جیا لەوەش هەموو ئەو حزب و لایەنە سیاسییانەی عێراق و ئێران كە بە ناوی مەزهەب و یا بە ناوی ئێران و عێراق و بۆ عەزەمەتی ئێران و عێراق كاردەكەن، كورد نەیتوانیوە لەگەڵیان بە تەوافوق بگا. لەو لایەنە كوردییانەش كە لەگەڵیان چوونە كۆنفرانس و سیمینارەوە، هەر بەو نەتیجەیە گەیشتن. چونكە ئەوان یەكەم شت كە باسی دەكەن، دەڵێن ئێمە بە مەرجێك لەگەڵتان دادەنیشین كە باسی تەبعیزات نەكەن.  باشە تەبعیزی میللی باس نەكرێ، تەبعیزی چینایەتی باس نەكرێ، تەبعیز لە سەر ژنان باس نەكرێ، چۆن دەكرێ دانیشتنێكی وا سەر بگرێ؟ بەگشتی ئۆپۆزیسیۆنی ئێرانی هێزێكی پەرش و بڵاوە، بەڵام كورد لە شەڕی دووەمی جیهانییەوە ئەوە زیاتر لە حەفتا ساڵە لە مەسەلەی میللیدا پێشەنگ بووە و لەم بارودۆخەشدا دەوتوانێ دەوری گەورە ببینێ. بەڵام بۆ ئەوەی ئێمە لەگەڵ هێز و خەڵكی دیموكرات و سیكۆلاری ئێران بتوانین بە تەوافوق بگەین. یەكەم دەبێ ئێمە لە ناو حزبە كوردییەكاندا زمان و گوتارمان بكەین بە یەك، دووەم شت ئەوەیە كە بە مەرجێك دەتوانین واریدی هاوكاری لەگەڵ ئەوان بین، كە ددان بەوەدا بنێن ئێران وڵاتێكی فرەنەتەوەیە و سەرەتاییترین ماف ئەوەیە كە هەر نەتەوەیەك ماف و تایبەتمەندی خۆی هەیە، دەنا لە غەیری ئەوە ناكرێ و نابێ. ئێمە هەوڵمان هەیە لەگەڵ ئۆپۆزیسیۆنی ئێرانی و دیالۆگیشمان هەیە، بە خۆشییەوە كەسانێكیش پەیدابوون لە ناو ئۆپۆزیسیۆنی ئیرانیدا كە ئەوە قبووڵ دەكەن. بەڵام وەك باسمكرد سەرەتا دەبێ ئێمەی كورد یەكگوتار بین.

*  باسی یەكڕیزی و یەكگوتاریتان كرد وەك پێشمەرجی هەر هەنگاوێك، بەڵام بۆچی لەناو بزووتنەوەی رزگاریخوازی كوردستاندا لەسەر ئاستی هەموو پارچەكان، پرۆژەیەكی نەتەوەیی، یان لانیكەم رێككەوتنێك لەسەر رەهەندە گشتییەكان نابیندرێ؟ بۆچی كۆنگرەی نەتەوەیی پەكی كەوت؟

**  بزووتنەوەی كورد گەمارۆ دراوە و لە هەمان كاتدا تا ئەم سەردەمە وڵاتانی گەورەی دونیا ئاوڕیان لە كورد نەداوەتەوە، بەڵام لە دوای گۆڕانكارییەكانی ناوچەكە و كەوتنی عێراق و سووریا و دروستبوونی تیرۆریسمی تاڵبان و داعش لە ناوچەكە و بەرگريی كورد لە باشوور و ڕۆژئاوا پێگەی كورد جێی بایەخیان بووە. ئێران هەم پێوەندی لەگەڵ كوردی باشوور هەیە، هەم پێوەندی لەگەڵ كوردی باكوور و ڕۆژئاوا هەیە، ئەوە كاریگەری زۆری لەسەر بزووتنەی كورد لە ڕۆژهەڵاتی كوردستان هەیە، ئەوەش لە پێكهاتەی جوغرافیایی ئێمەوە سەرچاوە دەگرێ. ئەو گرفت و بەربەستانە هەیە، بەڵام بەخۆشییەوە ئێستا دونیا بە هۆی شەڕی دژی تیرۆر لە باشووری كوردستان و ئەو خەباتەی لە ڕۆژئاوای كوردستان هەیە، باشتر كورد دەناسێ و رێزی لێ دەگرێ، بەڵام هۆكاری ئەوەی كە نەمانتوانیوە بچینە پێشێ، ئەوەیە كە لە نێوان بەشەكانی كوردستانی خۆشماندا نەك هەماهەنگی نییە، بگرە ناهەماهەنگی هەیە و تەنانەت جاری وایە دەستێوەردان دەبینین، بۆیە ئەوانە هەموو كێشەن و دەبێ بە پشوودرێژی كار بۆ چارەسەریان بكەین. بەڵام گرنگ ئەوەیە ورە و هەستی نەتەوەیی خەڵكی كوردستان فشارێكی گەوەی لە سەر هەموو حزب و لایەنە سیاسییەكانی كورد لە هەموو پارچەكانی كوردستان و لەسەر دەسەڵاتدارانی هەموو بەشەكانی كوردستان دروست كردووە.

* دەگوترێ باسی پێكهێنانی بەرەی كوردستانی لە رۆژهەڵاتی كوردستان بووەتە پرسێكی سەرزارەكی، لە بەر ئەوەی هەموو حزب و لایەنەكان بە دەیان جار لە بەر دەم مایكی میدیاكاندا ئامادەیی خۆیان بۆ پێكهێنانی ئەو بەرەیە دەربڕیوە، كەچی تا ئێستا وەك پراكتیك هیچ ئەنجامێكی لێ نەكەوتووەتەوە، بەڵام لەم دۆخەدا كە گۆڕانكاری جددی لە ناوچەكەدا رووی داوە و وەرچەرخانی دیكەش بەڕێوەیە، تا چەند هەوڵتان داوە پێكهێنانی بەرەی كوردستانی لە قاڵبی دروشم دەربچێ، یان وەك لایەنە سیاسییەكانی ڕۆژهەڵاتی كوردستان لانیكەم جۆرێك لە هەماهەنگی لە نێوان خۆتان دروست بكەن؟

**  ئەوە ڕەخنەیەكی زۆر دروستە و كوردی ڕۆژهەڵات دەبێ بەو خاڵە بگا، كە ئەو پەرتەوازی و پەرش و بڵاوییەی كە ئێستا هەیە، هاوكێشەیەكە كە وەك عەدەدی یەك بۆ سەد(1بۆ 100) وایە و پێموایە یەكێك لە گرفتەكان دووركەوتنەی ئێمەیە لە ڕۆژهەڵاتی كوردستان و نیشتەجیبوونمان لە تاراوگە كە ئەوە كاریگەری هەبووە لە سەر ئەوەی كە ئێمە چاوەڕوانی ئاڵوگۆڕێكی گەورە بین، كە لە سەرەوە و لە سەتحی جیهانیدا بكرێ و ئەو كات هەر حزبێك خۆی بە تاقەسواری مەیدانەكە بزانێ، بەڵام ئەوە هەڵەیە و دەبێ ئەلتەرناتیڤی جۆاروجۆرمان هەبێ، كە پێموایە بە بێ ئەوەی هەماهەنگییەكی تەواومان هەبێ، هیچ نەقشەڕێگەیەكی دیكەمان نییە. بۆیە بە ڕاشكاوی وەك ئەوەی ئێستا عەرزتانی دەكەم، ئێمە وەك كۆمەڵەی زەحمەتكێشانی كوردستان هیچ مەرجێكی پێشوەختەمان نییە و لەگەڵ هەموو حزب و لایەنەكانی ڕۆژهەڵاتی كوردستان ئامادەی دانیشتن و گفتوگۆین، بۆ ئەوەی لانیكەم خاڵگەڵێك بۆ هاوكاری دەستنیشان بكەین و لەسەر ڕێكبكەوین. خۆ دەكرێ بەرپرسان و نوێنەرانی حزبەكان بۆ نموونە لانیكەم لە ساڵیادی حوكمی جیهادی خومەینی بەیاننامەیەكی هاوبەشیان بۆ مەحكوومكردنی ئەو تاوانە گەورەیە هەبێ. ئەو دانیشتنانەی ئێستای حزبەكانیش هیوادارم ڕێگەی هاوكاری و كار و خەباتی هاوبەشی زیاتر بدۆزێتەوە.

* ئەی تا چەند یەكگرتنەوەی دیموكرات و كۆمەڵەكان زەمینەی هاوكاری و خەباتی هاوبەشی بەرەی كوردستانی خۆش دەكا؟ هەروەها ماوەیەكی زۆرە باسی يەكگرتنەوەی كۆمەڵەكان دەكرێ، ئەنجامی دانیشتن و گفتوگۆكانتان بە گوێ گەیشتووە و  چ كەند و كۆسپێكی لە بەردەمدا ماوە؟

**  بێگومان یەكگرتنەوە كاریگەری خۆی هەیە و پێموایە لە ئێستادا یەكگرتنەوەی كۆمەڵەكان و دیموكراتەكان زەروورەتە و هەم دیموكراتەكان و هەم كۆمەڵەكان دانیشتن و دیالۆگیشیمان بۆ ڕەوتی یەكگرتنەوەكان هەبووە، شكستی نیزامی و باڵەوازەبوونمان لە وڵاتی خۆمان دەكرێ بە سیحەتی سەدر و بە حەوسەلە و یەكتر قبووڵكردنی زیاتر قەرەبوو بكەینەوە. بەڵام نایشارمەوە تا وەختێك بارودۆخی سیاسیی عێراق و هەرێمی كوردستان گۆڕانی بەسەردا نەیەت، یان خەباتی خۆمان نەبەینەوە ڕۆژهەڵاتی كوردستان، خۆمان كەمتر لە یەك نزیك دەبینەوە و پرۆسەی كار و خەباتی بەرەیی كەمتر دەچێتەپێش، سەبارەت بە یەكگرتنەوەی كۆمەڵەش، بەداخەوە باڵی دەسەڵاتداری كۆمەڵەی شۆڕشگێر گفتوگۆكانیان تێك دا، دوای كۆنگرەی چواردەیان بەشێكی ئەندامانی زۆری كومیتەی ناوەندی و سێ ئەندامی دەفتەری سیاسییان هاتنەدەرێ و ئیعترازیان بوو لەوەی كە بڕیارەكانی كۆنگرە جێبەجێ نەكراوە، ئەوان ئێستە لەگەڵ ئێمە لە دیالۆگدان و شتێكیشیان دروست نەكردووە، بۆ ئەوەی جەنجاڵ نەبێ و كەسیان نایانەوێ ناوی كۆمەڵەیەكی دیكە زیاد بكەن، پێویستە ئەو سێ كۆمەڵەیەی هەیە كەمی بكەینەوە، نەك زیادی بكەین، ڕەوتی سوسیالیستیش لایەنێكە كە چەند ساڵە كار دەكا، لەگەڵ ئەوانیش ئێمە لە دیالۆگداین و زۆر چووینەتە پێشێ، بە خۆشییەوە لەگەڵ رێكخراوی كوردستانی حزبی كمونیستی ئێران تا ڕاددەیەكی باش گفتوگۆ و هەماهەنگیمان هەیە و هەوڵ دەدەین زیاتری بكەین، هەلومەرجەكەش گوشاری ئابووری بۆ دروست كردووین، لەگەڵ ئەوەشدا ئێمە لەگەڵ هەموو لایەنەكان ئامادەی هەماهەنگی و هاوكارین.

*  دواپرسیارمان با گریمانەی ئەوە بێ، كۆماری ئیسلامی ئێران داوای وتووێژ و چارەسەری ئاشتییانەی كێشەی كورد لە ئێران بكا، ئەگەر وەك رێكخراوێكی ڕێپێدراو مافی چالاكیی سیاسی و مەدەنیتان لە رۆژهەڵاتی كوردستان پێ بدا، چۆن مامەڵە لەگەڵ ئەو پێشنیارەدا دەكەن و بەگشتی ئەو ئەگەرە تا چەند لە مەحاڵ نزیكە؟

** ئەو قسەیە كونسوڵی ئێران لە سلێمانی و سەفیری ئێران لە هەولێر كردوویانە و دەڵێن وەرن چەك دابنێن و لە چوارچێوەی ئیسلامدا كار بكەن. ئێمە ئامادەین بۆ وتووێژ لەگەڵ كۆماری ئیسلامی و هەموو ئەو دەسەڵاتەی كە ڕووبەڕووی بزووتنەوەی كورد دەبێتەوە، بەڵام ئەوە هەلومەرجی خۆی هەیە. چۆن دەبێ حكومەت، حكومەتێكی دیكتاتۆر و ئیستبدادی بێ، ئێمەش چەك دابنین و بڕۆین لە مەهاباد و سەقز و بانە و مەریوان و سنە و ئیلام و كرماشان بڵێین ئێمە خەباتی سیاسی دەكەین؟ بە ڕۆژێك دەمانپێچنەوە. چ دەردێكیان دا بە مووسەوی و كەرووبی، ئەوان چییان كردبوو، دەستیان بۆ چەك بردبوو؟ بۆیە لەگەڵ رژیمێكی وادا قسە ناكرێ. بەڵام ئێمە هەر كاتێك پێمانوابێ كۆماری ئیسلامی ئێران بە مەرجەكانی حزب و لایەنە سیاسییەكانی ڕۆژهەڵاتی كوردستان ڕازی دەبێ، بە چاودێری و گەرەنتی نێونەتەوەیی ئامادەین گفتوگۆیان لەگەڵ بكەین. ئێمە هەرگیز خوازیاری خەباتی چەكداری نەبووین، خەباتی چەكداری بە درێژی مێژوو داسەپاوە بە سەر بزووتنەوەی كورددا، ڕۆژهەڵاتی كوردستانیش لەوە بەدەر نییە.

 

 

**************************************
 

vokradio.jpg

 Voice of Kurdish-American Radio for Democracy, Peace, and Freedom

free stats

زنجیرە وتووێژێك لەگەڵ ١٢حيزب و لایەنی سیاسیی ڕۆژهەڵاتی كوردستان

  به شى شه شم :

سازمانی خەباتی كوردستانی ئێران

iranian_kurdish_united_front_06.jpg

بابەشێخ حوسەینی بەڕێوەبەری گشتی سازمانی خەباتی كوردستانی ئێران

پيشه كى:

ئاماده كارى و سه رپه ره شتى وتوويژه كان: سالار حیسامی

ڕادیۆ دەنگی كوردستان لە ئەمریكا، زنجیرە وتووێژێكی لەگەڵ دوازدە حيزب و لایەنی سیاسیی ڕۆژهەڵاتی كوردستان لەبارەی رەوتی گۆڕانكارییەكان لەڕۆژهەڵاتی ناوەڕاست و هاوكێشە سیاسییەكانی ناوچەكەو جیهان و كاردانەوەیان لەسەر ئێران، هەروەها سەرهەڵدانەوەی خەباتی چەكداری لە رۆژهەڵاتی كوردستان و پێگەی كورد لە هەنگاونانی بەرەو سەربەخۆیی و چەند تەوەرێكی دیكە ئەنجام داوە، كە لەماڵپەڕی ڕادیۆ دەنگی كوردستان لەئەمریكا، (بەڕەچاوكردنی پێوەری بێلایەنی پیشەیی) بەپێی پیتی(ئەلف بێ)ی ناوی حيزبە بەشداربووەكان بڵاودەكرێنەوە، هەر لایەنێكیش دواتر وەڵامی پرسیارەكان بداتەوە، هەر لە ریزی ئەو زنجیرە وتووێژەدا دادەنرێ.

پێویستە خوێنەرانی بەڕێز ئاگادار بكەینەوە كە ئەم زنجیرە وتووێژە لەپێش بەڕێوەچوونی شەشەمین دیداری ئەنیستیتوتی رۆژهەڵاتی ناوەڕاست بۆ توێژینەوە(مێری) لەهەولێر ئەنجام دراوەو ئەو لایەنانەش كە لەو پانێلانەدا بەشدار نەبوون، لەم زنجیرە وتووێژەدا بەشدار كراون.

بێگومان ڕۆژهەڵاتی ناوەڕاست لەدۆخێکی ئاڵۆزو پڕكێشەی ئەوتۆدایە كە ئەگەری گۆڕانکاری لەئایندەی ناوچەكەدا پتربووە، ئەوەش نكۆڵی لێ ناكرێ كە ملمڵانێی ناڕەوای ئایینی و مەزهەبی بووەتە هۆی پەرەسەندنی توندڕەوەی و تیرۆریزم، بەجۆرێك كە دەرگای بۆ دەستوەردانی دەرەكی لەئاستی وڵاتانی ناوچەیی و زلهێزانی جیهاندا كردووەتەوە، كوردیش لەو گۆڕانكارییانەدا پشكی شێری بەردەكەوێ. بۆیە بەلەبەرچاوگرتنی هەوڵدان بۆ یەكڕیزی لەپێناوی بەرژەوەندیی باڵای نەتەوەیی، تەوەری سەرەكیی وتووێژەكانمان لەبارەی زەروورەتی پێكهێنانی بiranian_kurds_12organizations.jpgەرە، یان هێزێكی هاوبەش و هەماهەنگیكار بووە بۆ ڕۆژهەڵاتی كوردستان و هەوڵدراوە كۆسپەكانی بەردەم ئەو هەنگاوە پێویستە تاوتوێ بكرێ. لەوانەشە زۆر كەس گەورەیی و مێژووی ڕابردووی خەبات و قوربانیدانی لایەنەكان بەلایانەوە پێوەر بێ، ئێمەش وەك چاودێر و میدیاكار، شرۆڤەی تایبەت و بابەتییانەمان بۆ قورسایی هەر لایەنێك هەیە، بەڵام ئەركی پیشەیی ناچارمان دەكا، هیچ لایەن و حزبێ نادیدە نەگرین، ئەوەشی وا دوابڕیاردەرە كە كام لایەن جەماوەریترە، ئیرادەی گەلی كوردستانەو ئەو بڕیارە بۆ هاووڵاتییانی كوردستانی بەجێدەهێڵین.

هیوادارین ئەركی خۆمان وەك میدیاكاری بێلایەن بەباشی جێبەجێ كردبێ.

ریزبەندیی بەشداربووانی بەڕێز:

١- بزووتنەوەی کۆماریخوازانی رۆژهەڵاتی کوردستان
٢– پارتی ئازادیی كوردستان
٣-پارتی ژیانی ئازادی كوردستان(هێشتا وەڵامی نەداوەتەوە)
٤- پارتی سەربەستیی کوردستان
٥- پارتی لیبڕاڵ دیموكراتی كوردستان
٦-حيزبی دیموكراتی كوردستان (هێشتا وەڵامی نەداوەتەوە)
٧-حيزبی دیموكراتی كوردستانی ئێران(هێشتا وەڵامی نەداوەتەوە)
٨- رێكخراوی كوردستانی حزبی‌ كۆمۆنیستی‌ ئێران- كۆمەڵە
٩- سازمانی خەباتی كوردستانی ئێران
١٠- كۆمەڵەی زەحمەتكێشانی كوردستان
١١-کۆمەڵەی زەحمەتکێشانی کوردسـتانی ئێران (هێشتا وەڵامی نەداوەتەوە)
١٢- یەكێتی شۆڕشگێڕانی كوردستان

 بابەشێخ حوسەینی بەڕێوەبەری گشتی سازمانی خەباتی كوردستانی ئێران
دیمانە: سالار حیسامی

*پرسیاری یەكەممان با ئەوە بێت، ماوەیەكە لە رۆژهەڵاتی كوردستان خەباتی چەكداری سەری هەڵداوەتەوە و ئەو شێوازی خەباتەش خوێندنەوەی جیاوازی بۆ دەكرێ، بەتایبەتی لەم دۆخەدا كە رۆژهەڵاتی ناوین بەرەو گۆڕانكاریی ژیوپۆلۆتیكی هەنگاو هەڵدەگرێ، هەڵوێستی ئێوە لەو بارەیەوە چییە؟

** بە باوەڕی من خەباتی چەكداری كۆتایی پی نەهێندرابوو، تا تازە دەستی پێ‌ كردبێتەوە. هەر لەو چوارچێوەدا پێشمەرگەكانی سازمانی خەبات و پێشمەرگەی زۆربەی لایەنە سیاسيیەكانی كوردستانی ئێران چالاكی پێشمەرگەیان لە ئەمساڵ و لە ساڵانی رابردوو ئەنجام داوەو هەر لە چەند مانگی رابردوودا پێشمەرگەیێكی سازمانی خەبات بە ناوی رەحمان پووركەریمی لە ناوچەی بۆكان لەلایەن هێزەكانی رژیم شەهید كرا.

بۆچوونی ئێمە لە سەر خەباتی چەكداری روونەو پێمانوایە خەباتی چەكداری یەكێكە لە كۆڵەكەكانی خەباتی شۆڕشگێڕانەو مافخوازنە لە بەرانبەر رژێمی ئێراندا، تا ئەو رژێم و سیستەمە دیكتاتۆری و حەقنەبیست و جینایەتكارەش حوكمی ئێران بكات، خەباتی پێشمەرگەیی و چەكداریی پێویست و حەیاتییە. بە بۆچوونی من ئەگەر بمانهەوێ‌ خوێندنەوەی دروست بۆ خەباتی چەكداری بكەین، دەبێ‌ هەڵسەنگاندن لەسەر  هۆكانی سەرهەڵدانی بكەین و ئەو پرسیارە بێنینەئاراوە، كە بۆچی هەر لە سەرەتاوە دەستمان دایە خەباتی چەكداری؟ ئایا ئەو كات هەڵەمان كرد كە لە بەرامبەر سەرەڕۆییەكانی رژیم و هێرشی هێزەكانی پاسداران بۆ كوردستان مقاومەتمان كرد؟ ئایا گۆڕانكاری بەسەر سیاسەت و هەڵوێستی رژیم بەرانبەر خەڵكی كوردستان و ئێراندا هاتووە؟ كە بێگومان هەمووان دەڵێن، هیچ ئاڵوگۆڕێك بە سەر سیاسەتی حكومەتی ئاخوندەكان لە بەرژەوەندیی جەماوەر وەدینەهاتووە. هەروەها ئەگەر وەڵامی موخالفانی خەباتی چەكداری، ئەوە بێ‌ كە ئەوكات هەڵە نەبووین لە بەرانبەر سەرەڕۆییەكانی رژیم دەستمان دایە مقاومەت، بەڵام لە ئێستادا دەكرێ‌ بەبێ بوونی هێزی شۆڕشگێڕی و چەكداری لە بەرانبەر ئەو دەسەڵاتەدا مقاومەت بكرێ ‌و لە ئامانج نزیك ببینەوە، ئەوا باشتر وایە رادەی سەركوتی خەڵك و ئیعدامی لاوان و هێرشكردنە سەر رێپێوانە هێمنانەكانی ساڵەكانی رابردوو بەتایبەت ساڵی 1388 كۆچی خۆری بخەینە بەرچاو، ئەو كات دەردەكەوێ كە رژیمی ئاخوندی تەنیا لە زمانی زۆر و هێز ترسی هەبووە، هەر بۆیە خەباتی چەكداری یەكێك لە كۆڵەكەكانی خەباتی مافخوازانەو عەداڵەتخوازانە.
ئەو گۆڕانكاری و كێشەو ئاڵۆزییانەی لە خۆرهەڵاتی ناوەڕاست روودەدات، پێش هەموو شتێك ژیان و چارەنووسی بەشێكی زۆر لە خەڵكی وڵاتانی ناوچەكە، بەتایبەت خەڵكی سووریەو یەمەنی كردۆتە دۆزەخ. ئاشكرایە حكومەتە خاوەن هێزەكانی جیهان هەر كام بە شوێن قازانج و بەرژەوەندی خۆیانەوەن و لە سەر خوێنی رژاوی هەزاران مرۆڤ و بە گیانی ملیۆنها ئینسان سات و سەودای سیاسی دەكەن. بەتایبەت ئەمریكا و رووسیە لە سەر خوێنی خەڵكی  سوریە و ژیان و داهاتووی خەڵكی ناوچەكە كێبڕكێی سیاسیی خۆیان دەكەن. ئەو دوو حكومەتە بەریان بۆ ئاخوندانی دەسەڵاتدار بەڕەڵا كردووە تا بە حەزی خۆیان دەست لە كاروباری وڵاتانی ناوچەكە وەربدات و ئاژاوە بگێڕێ‌ و رەگی دووبەرەكیی مەزهەبی بەتایەبەت و نەتەوەیی بەگشتی لە ناوچەكەدا پەرە پێ‌ بدات. سەبارەت بە گۆڕانكاریی ژئۆپۆلۆتیكیش، لەگەڵ ئەوەی هەلومەرج زۆر لەبارە بۆ ئەوەی كورد هەنگاوی زیاتر بەرەو سەربەخۆیی بهاوێژێ‌، بەڵام بە هۆی ناكۆكیی نێوماڵی كوردو نەبوونی بەڵێنی وڵاتانی خاوەن هێز بە كورد، وە سەرەڕای هەموو بەربەستەكان، گۆرانی ژئۆپۆلۆتیك بە قازانجی كورد بە دوور نابینم. بەڵام  سەرهەڵدانی ئەو گۆڕانكارییە پێش هەموو شتێك پێویستی بە یەكخستنی هێزو تواناكانی تێكڕایی و دروستكردنی متمانەو باوەڕبەخۆبوون لە كۆردستاندا هەیە.

* ڕایەك هەیە پێداگری لەوە دەكا، كە لە بەشێكی باشووری كوردستان جۆرێك لە سانسۆری هەواڵەكانی رۆژهەڵاتی كوردستان بەدی دەكرێ، لە بەشێكی دیكەشی بایەخی تەواوی پێ دەدەن، چ خوێندنەوەیەكتان بۆ ئەو ڕایە هەیە؟

** بە باوەڕی من لە كوردستانی باشوور بەگشتی گرینگی بە هەواڵ و بابەتە سیاسییەكانی كوردستانی ئێران نەدراوە. هەر چەند لە هێندێك ناوەندی راگەیاندن، بەشێك لە چالاكیی لایەنە سیاسییەكان گرینگی پێ‌ دەدرێ‌. بەڵام ئەو گرینگیدانەش تایبەت كراوە بە چەند لایەنێكی سیاسیی كوردستانی ئێران و ئەو جۆرە كردارەی ئەو راگەیاندنانە كە زیاتر لە خزمەتی چەند لایەنی كوردستانی ئێراندایە كارو چالاكیەكانیان دەخاتە ژێر پرسیارو وادەكات وەك ناوەندی راگەیاندنی سەربەخۆ متمانەیان پێ‌ نەكرێ‌. سەبارەت بە دابەشبوونی ناوەندەكانی راگەیاندن بە سەر دوو بەشی باشووری كوردستان و رەنگنەدانەوەی چالاكیی كوردستانی ئێران تێیاندا، پێموایە پێش هەمووان خودی ئەو راگەیاندنانە زیان دەبینن، جا لە دواییدا جووڵانەوەی مافخوازانەی خەڵكی كوردستانی ئێران.


* پێوەندییەكانی كوردی ڕۆژهەڵاتی كوردستان و ئۆپۆزیسیۆنی ئێرانی چۆنە و ئایا ئەو ئەزموونەی باشووری كوردستانتان لەبەرچاو گرتووە كە كاتی خۆی لەگەڵ حزبە عێراقییەكان لە دژی حكومەتی بەعس لە بەرەیەكدا بوون و ئێستا هەر ئەوان بودجە و مووچەی خەڵكی كوردستانیان بڕیوە؟

** هەر كام لە لایەنە سیاسییەكانی كوردستان بە شێوەی جیاواز پێوەندییان لە گەڵ هێزە سەرانسەرییەكانی ئێرانیدا هەیەو بێگومان بوونی ئەو پێوەندییانە پێویستن، هەم بۆ ئێستاو هەم بۆ داهاتوو. لە پێوەند بە میكانیزم و دەورانی پراكتیك و حكومەتداری لە داهاتوودا زیاتر پشت بە بەڵێن و رێككەوتنەكان دەبەسترێ‌ و هیچ لایەنێكی خاوەن بڕیار و بەڵێن، نابێ‌ پشت لە بەڵێنیەكانی بكات، یان بە پێچەوانەی بنەما سیاسییەكان هەنگاو هەڵگرێ‌. خۆ ئەگەر هەر لایەنێكی سیاسی پشتی لە بڕیار و بەڵێنەكانی بكات، بێگومان زیاندیتووی سەرەكی بۆ خۆی دەبێ‌. روویەكی دیكەی بابەتەكەش ئەوەیە كە ئێمە خەبات دەكەین لە پێناو وەدیهاتنی ماف و ئازادییەكاندا و تا گەیشتن بە ئامانجەكانیش دەست لە تێكۆشان هەڵناگرین و ئەگەر هێزە سەرانسەرییەكان بەپێچەوانەی رێككەوتن و بەڵێنەكان جووڵانەوە، خۆ ناتوانن بڕیاری خەبات و تێكۆشانمان لێ‌ بستێنن. سەبارەت بە پێوەندی ئەحزابی كوردستانی عێراق لەگەڵ ئەحزابی عێراقی و بێ‌ بەڵێنی حیزبە عێراقییەكان، هەموومان ئەو راستییە دەزانین كە ئەحزابی عێراقی كاریگەریی راستەوخۆی رژیمی ئێرانیان لەسەرەو دەسەڵاتدارانی ئێران بۆ دژایەتی كورد و ئامانجەكانی بەكاریان دێنن و ئەوان لە دائیرەی سیاسەتەكانی رژیمی ئێران كاردەكەن و ناكرێ‌ ئومێدیان پێیان هەبێ.


* بۆچی لەناو بزووتنەوەی رزگاریخوازی كوردستاندا لەسەر ئاستی هەموو پارچەكان، پرۆژەیەكی نەتەوەیی، یان لانیكەم رێككەوتنێك لەسەر رەهەندە گشتییەكان نابیندرێ؟ بۆچی كۆنگرەی نەتەوەیی پەكی كەوت؟

** كاتێك پڕۆژەكان لە چوارچێوەی لایەنەكانی پارچەیێكی كوردستان ئەستەمەو تا ئێستا نەگەیشتۆتە ئامانج، بێگومان هەر پلاتفۆرم و پڕۆژەیەك كە لە چوارچێوەی پارچەكانی كوردستان بەگشتی بێت، زەحمەت و قورس دەبێ‌. ئەگەر ئامانجی بنەڕەتی ئەوە بێ‌، كە كار بۆ پڕۆژەیەكی نەتەوەیی لە ئاستی هەموو پارچەكانی كوردستان بكرێ‌، دەبێ‌ پێشتر لایەنەكانی هەریەك لە پارچەكانی كوردستان لە نێو خۆیاندا بگەنە رێككەوتن، جا دەكرێ‌ كار بكرێ‌ بۆ ئامانج و پڕۆژەیەكی گەورەتر. سەبارەت بە پەككەوتنی كۆنگرەی نەتەوەیی، یەكێك لە كێشەكان نەبوونی بڕیارو پلاتفۆرمی هاوبەش بوو لەنێوان هێزەكانی هەركام لە پارچەكانی كوردستان و لەگەڵ ئەوەشدا بوونی ناكۆكیی تاكتیكی و تەنانەت ستراتیژی لەنێوان هێزە دیارەكانی پێكهێنەری كۆبوونەوە سەرەتاییەكانی كۆنگرەی نەتەوەیی كوردستان، یەكێكی دیكە لە بەربەستەكانی بەردەمی بوو.


* دەگوترێ باسی پێكهێنانی بەرەی كوردستانی لە رۆژهەڵاتی كوردستان بووەتە پرسێكی سەرزارەكی، لە بەر ئەوەی هەموو حزب و لایەنەكان بە دەیان جار لە بەر دەم مایكی میدیاكاندا ئامادەیی خۆیان بۆ پێكهێنانی ئەو بەرەیە دەربڕیوە، كەچی تا ئێستا وەك پراكتیك هیچ ئەنجامێكی لێ نەكەوتووەتەوە، بەڵام لەم دۆخەدا كە گۆڕانكاری جددی لە ناوچەكەدا رووی داوە و وەرچەرخانی دیكەش بەڕێوەیە، تا چەند هەوڵتان داوە پێكهێنانی بەرەی كوردستانی لە قاڵبی دروشم دەربچێ، یان وەك لایەنە سیاسییەكانی ڕۆژهەڵاتی كوردستان لانیكەم جۆرێك لە هەماهەنگی لە نێوان خۆتان دروست بكەن؟

** لە بنەڕەتدا هەموو لایەنە سیاسییەكان بە تێكڕا باوەڕیان بە بەرەی كوردستانی و گرینگیی پێكهێنانی بەرەی كوردستانی هەیە، بەڵام ئەو كاتەی كە دەگاتە بەرژەوەندی تەشكیلاتی و حیزبی گرینگی و كەڵكی بەرەی كوردستانییان وەك پێویست لە بەرچاو نامێنێ و بەرژەوەندییە حیزبیەكان زاڵ دەبێ بەسەر بەرژەوەندی گشتی و نەتەوەییدا. هەر لەبەر ئەوەیە كاتێك لەگەڵ راگەیاندنە گشتییەكان دەدوێین، بە دروستی بۆچوون و نییەتی بنەڕەتیان لەمەڕ پێكهێنانی بەرەی كوردستانی دەردەبڕن، بەڵام بەداخەوە لە كرداردا قازانجی حیزبی بەسەر مەبەست و ئامانجە گشتی و نەتەوەییەكەدا زاڵ دەبێ.

* كۆبوونەوەی هەندێ لە حزبە سیاسییەكانی ڕۆژهەڵاتی كوردستان لە پێناوی هەماهەنگی و كاری هاوبەش تا چەند پرۆسەیەكی كارایە و ئەوەش كە دەگوترێ جۆرێك لە تەریكخستن، یان نادیدەگرتنی لایەنگەلی دیكەی لێكەوتووەتەوە، تا چەند ڕاستە؟

** بێگومان هەر جۆرە دانیشتن و كۆبوونەوەیەك لە نێوان لایەنە سیاسییەكانی كوردستان قازانج و كەڵكی خۆی هەیە، جا دیارە ئەگەر ئەو كۆبوونەوانە بەگشتی بن، كەڵكی زیاتر دەبێ و ئامانجەكە باشتر دەپێكێ.

* یەكگرتنەوەی دیموكرات و كۆمەڵەكان تا چەند زەمینەی هاوكاری و خەباتی هاوبەشی گشت حزب و لایەنە سیاسییەكانی ڕۆژهەڵاتی كوردستان خۆش دەكا؟

** ئەو دوو لایەنەی كوردستان لە دەیەی 60ی كۆچی خۆریدا، شەڕیان لە نێواندا هەبووەو دەیان پێشمەرگەی ئەو دوو لایەنە بەدەستی یەكتر لەناو چوون. ئەگەر رێككەوتنی نێوان كۆمەڵەو دیموكرات بە مەبەستی كۆتاییهێنان بە گرژی و ئاڵۆزییەكانی نێوانیان و بۆ كرانەوەی لاپەڕەیەكی نوێ لە پێوەندیەكانی نێوانیان بێ، كارێكی زۆر باش و پەسەندەو زەمینەی هاوكاری و هاوخەباتی خۆشتر دەكات. بەڵام ئەگەر هەر جۆرە نزیكیەكی نێوان چەند لایەنی سیاسیی كوردستانی بە مەبەستی قۆرغكردنی كوردستان و پەراوێزخستنی لایەنی سیاسی خاوەن جێگەو پێگە بێت، كارێكی زیانبارەو دەبێتە هۆی ناكۆكی و توێی دووبەرەكی بڵاودەكاتەوە.

* ئەمریكا و وڵاتانی رۆژئاوا دەمێكە دۆسیێ ناوكی، پرسی دیموكراسی و فایل و ڕاپۆرتەكانی مافی مرۆڤ لە دژی كۆماری ئیسلامی ئێران دەجووڵێنن، تا چەند بەوە گەشبینن كە ئەو فشارانە ئەگەری ریفۆرم لەو وڵاتەدا بڕەخسێنێ و ئایا تا ئێستا كاریگەرییەكی ئەرێنی هەبووە؟

** هەر جۆرە فشارێكی نێودەوڵەتی و ناوچەیی بۆ سەر دەسەڵاتدارانی رژێمی ئێران كاریگەری خۆی هەیەو ئەو رژێمە ناچار دەكا لە بەشێك لە سیاسەتە دژمنكاری و شەڕەنگێزییەكانی پاشەكشە بكات، ئەگەر بە تاكتیكیش بێت. لەگەڵ ئەوەی فشارەكانی ئەمریكاو وڵاتانی رۆژئاوایی بۆ سەر رژێمی ئێران بوونی هەبووە، بەڵام وەك دەبینین، لە هێندێك هەلومەرجدا ئەمریكا و وڵاتانی ئوروپایی ئیمتیازی زۆریان بە رژێمی ئێران داوەو دەسەڵاتدارانی ئەو رژێمە كەڵكیان لەو ئیمتیازانە بۆ سەركوتی خەڵك و دەستێوەردان لە كاروباری وەڵاتانی ناوچەكە و بەتایبەت لە عێراق وەرگرتووە. ئەگەر سیاسەتی وڵاتانی رۆژئاوایی لە بەرامبەر رژێمی ئێران بەو شێوەی كە ئێستا هەیە بەردەوام بێ، هەم خەڵكی ئێران و خەڵكی ناوچەكە و هەم كۆمەڵگەی جیهانی بەگشتی زیان دەبینن و بە كردەوە وڵاتانی رۆژئاوایی دەسەڵاتێك بەهێزدەكەن كە گورگەو لە پێستی مەڕدایە.

*كەواتە وڵاتاتی ڕۆژئاوا و بەتایبەتی ئەمریكا بۆچی بە سیاسەتی نەرم لەگەڵ ئێران مامەڵە دەكەن؟

** بەهاتنەسەر كاری حكومەتی ئۆباما لە ئەمریكا ئاڵوگۆڕی بنەڕەتی لە سیاسیەتی دەرەوەی ئەو وڵاتە دروست بوو، هەر لەو چوارچێوەدا وڵاتانی رۆژئاوایی و هاوپەیمانی ئەمریكا، بەچاو لێكەری لە حكومەتی ئۆباما، سیاسەتی هاوشێوەیان داڕشت. هۆی سەرهەڵدانی ئەو شێوە سیاسەتەی وڵاتانی رۆژئاوایی بۆ خۆ دوورخستنەوە لە شەڕ و بەناوی چارەسەری ئاشتییانەی كێشە جیهانییەكانە، لە پێوەند بە رژێمی ئێرانیش بۆ هاوكاریكردنی بەناو بەرەی ریفۆرمخواز لە پێكهاتەی دەسەڵاتی ئاخوندیدا بوو. كە لە راستیدا بەرەی ریفۆرمخواز لە پێكهاتەی ئەو رژێمەدا بوونی نییە، ئەگەر بوونیشی هەبێ، هیچی پێ ناكرێ و بەرنامەیەكی بۆ ئاڵوگۆڕ لە سیستەمی حوكمڕانی لە ئێران پێ نییە.


* دواپرسیارمان با گریمانەی ئەوە بێ، كۆماری ئیسلامی ئێران داوای وتووێژ و چارەسەری ئاشتییانەی كێشەی كورد لە ئێران بكا، ئەگەر وەك رێكخراوێكی ڕێپێدراو مافی چالاكیی سیاسی و مەدەنیتان لە رۆژهەڵاتی كوردستان پێ بدرێ، چۆن مامەڵە لەگەڵ ئەو پێشنیارەدا دەكەن و تا چەند ئەو ئەگەرە بە شتێكی مەحاڵ دەزانن؟

** – یەكەم، پێمانوانییە ئەو رژێمە بەرنامەی ئاشتی و دابینكردنی ماف و ئازادییەكانی بۆ خەڵكی كوردستانی ئێران هەبێ. مێژووی 37 ساڵ دەسەڵاتداریی پڕ لە ئازار و چەوسانەوەو ئێعدام و ڕەشەكوژی ئەو حكومەتەش لە بەرانبەر خەڵكی كوردستان و ئێران، ئەو راستییەی سەلماندووە كە ئاخوندەكان دژمنی ئاشتین. سازمانی خەباتی كوردستانی ئێران بە هیچ شێوەیەك ئامادە نییە لەگەڵ سیستەم و دەسەڵاتێكی ئەوندە دواكەوتووی ستەمگەر و جینایەتكار وتووێژ بكا، یەكێك لە ئامانجە سەرەكیەكانیشمان رووخان و لەناوچوونی ئەو رژێمەیە.

**************************************
 

vokradio.jpg

 Voice of Kurdish-American Radio for Democracy, Peace, and Freedom

free stats

سه باره ت به هەڕەشە كانى سوپاى پاسدارنى كومارى ئيسلامى بو سه رهه ريمى باشورى كوردستان و بنكه و باره گاكانى حيزبى ديموكراتى كوردستانى ئيران له و هه ريمه دا

سه باره ت به هەڕەشە كانى سوپاى پاسدارنى كومارى ئيسلامى بو سه رهه ريمى باشورى كوردستان و بنكه و باره گاكانى حيزبى ديموكراتى كوردستانى ئيران له و هه ريمه دا

azad_muradian_6sep11

د. ئازاد موراديان

د. ئازاد موراديان
٢ى مانگى ٧ ى ٢٠١٦ زايينى

له وتوويژيكى راسته و خو دا له گه ل “روداو” دا سه باره ت به و هەڕە شانه ى كه به رپرسانى نيزامى ئيران و به تايبه ت سەردار حوسێن سەلامی، جێگری فەرماندەی سوپای پاسدارانی ئێران كه ده ليت ؛ “هەر شوێنێک کە سەرچاوەی مەترسی بێت بۆ سەر کۆماری ئیسلامی ئێران،بەبێ هیچ دوودڵییەک خاپووری دەکەین” ، ئاماژه م به مه ته رسى دوو پات كردنه وى كاره ساتيك كرد كه نمونه ى ئه و كاره ساته له هاوينى سالى ١٩٩٦ ى زايننى روى دا. ئه مه به ئاشكرا ديتمان كه چون هيزيكى به ربلاوى كومارى ئيسلامى سنورى ولاتى عيراق و هه ريمى كوردستانيان به زاند و هه ليان دايه سه ر باره گاكانى ئوپوزسيونى كوردى روژه هه لات و به تايبه ت حيزبى ديموكراتى كوردستانى ئيران. پاش ئه وى كه پاشه كشه يشان كرد له ماوه ى ئه م ٢٠ ساله ش دا به هه مو چه شنيكبه  ئاشكرا و نه هينى دوژمنايه تى خويان بو بوونى ئوپوزسيونى كورد له هه ريمى كوردستاندا ده ربريوه. له لايه كى كه يه وه كومارى ئيسلامى له چه ن ئوپراسيونى نيوخوى عيراق دا به شيكى زور له ئه ندامانى ئوپوزسيونى ئيرانى وه به تايبه ت موجاهدينى خه لكيان به هاوكارى هيزى نيزامى عيراق و مليشيا شيعه كان كوشتووه و برينداريانى كردووه.
له وه لامى ئه و پرسياره دا كه بو كومارى ئيسلامى ئه و جار تا ئه و راده يه شله قاووه وهه ره شه ى كاول كردنى هه ريمى كوردستان ده كات له كاتيك دا كه له سالانى رابووردودا پژاكيش له و چه شنه عه ملياتانه يان بووه؟
من ئاماژه م به وه كردووه كه راسته پژاك له سه رده ميك دا له چه ن شوين كه وتووه ته نيو شه رو پيك دادان له گه ل هيزى نيزامى ئيران دا به لام به هوى ئه وه ى كه پارتى كريكارانى كوردستان كه پيوندى و گري به ستى تايبه تى له گه ل كومارى ئيسلامى دا هه يه، ئه و چه شنه چالاكيانه ى پژاكى له به رژه وه ندى پيونديه كانى خويدا نه ده دى هه ر به و هويه وه به ناوجيي كه رى به رپرسانى هه ريمى كوردستان و به تايبه ت به ريز نچيروان بارزانى ئاور به ست و گرى به ستيك له نيوان پژاك و به رپرسانى ئه منى كومارى ئيسلامى دا واژو كرا و له و كاته وه ئيمه له و چه شنه چالاكيانه نابيننين.
بلام ده بى ئاماژه به وه ى بكم كه كومارى ئيسلامى له هه لسان و راسانى ئه م جارى ئوپوزسيونى كورد دا كه حيزبى ديموكراتى كوردستانى ئيران رچه شكينه رى بزوتنه وه ى ئه م سه رده مه يه مه ترسيه كى راسته قينه ى هه يه. ئه م بزوتنه وه يه به ربلاوه و به شيكى زور له كوردستانى له خو گرتووه، له شنو و سه رده شت و سابلاخ ه وه تا سه قز و مه ريوان، هيزى بزوتنه وى خه لكى له جولان دايه و ئه مه ش وه هاى كردووه كه كومارى ئيسلامى زور به خيرا گورانكارى له به رپرسانى هيزى نيزامى و ئه منى خوى دا به كار بينيت، سه رحه ده كان بومباردومان بكات و ده ست بكات به گرتن و ده ست به سه ر گرتنى خه لكى ئاسايي دا، هاوكات له دانيشتن و وتوويژ له گه ل به رپرسانى هه ريمى باشور و به رپرسانى عيراق دا به زمانى نيزاميش هه ره شه ى خاپور كردنى كوردستان بكات

روداو

د. ئازاد موراديان له وتوويژيك له گه ل روداو دا

له ولامى ئه و پرسياره ى دا كه تا چ راده يه ك ئيمكانى ئه وه ى هه يه ئيران ئه و هه ره شه ى خوى به جى بينيت؟

ئاماژه م به وه كردووه كه ئه زمونى سالى ١٩٩٦ و پاشان هيرش كردنه سه ر ئوپوزسيونى ئيرانى له عيراق دا به شيك له و مه ترسيه يه بلام ده بى بزانين كه نه هه ريمى كوردستان هه ريمه كى سالى ١٩٩٦ ه و نه حيزبى ديموكراتى كوردستانى ئيرانيش ئه و حيزبه يه كه ولام ده ر به و هه رشه نه بيت. هه ريمى كوردستان چ له بارى نيزامى و چ له بارى سياسى وه وه ك هه ريميكى دو فاكتو ناسياووه، گريبه ستى راسته و خوى له گه ل ولاته يه ك گرتووه كانى ئه مريكى و ولاتانى فه ره هيزدا هه يه، پتر له ٢٣ كونسولى وه لاتانى بيانى له هه ريمى كوردستان دا هه يه و شه رى راسته و خوى هه ريمى باشور له گه ل داعيش و تروريسته كانى سه ر به ده وله تى ئيسلامى ، هه ريمى كوردستانى به يه كيك له لايه نه پيوندى داره كانى جيهانى و موته حيد و هاوپيمانى ئه مريكا له قه له م داووه. ئيران به ده ست تى وه ردان له كاره ساتيكى وه ها زه ره ريكى زور ده كات.

ئه وى كه ئايا ولاته يكگرتوه كانى ئه مريكا بى ده نگ ده بيت ئه گه ر هيرشيكى وه ها بكريته سه رخاكى كوردستان؟

من پيم وايه سه ره راى گري به ستى نيوان ئيران و ئه مريكا له سه ر وزه ى ئة تومى، ئه م دوو ولاته كيشه كانيان له سه ر هه ريمه كه ، چونيه تى به ربه ركانى له گه ل هه ره شه تروريستيه كاندا و هه روه ها باسى مافى مروڤ له ئيران دا به جيگاى خوى ماوه ته وه. ئيران ده ستى له هه مو ناكوكيه كانى روژهه لاتى ناوه راست دا هه يه، ته هديد و هه ره شه ى له ئيسرائيل و هاوپيمانانى ئه مريكا له كه نداوى فارس دا له به رژه وه ندى ئه م پيونديانه دا نيه و ئه مريكا له نيهايه ت دا له به ر به ره كانى دژ به ئيران ده ويستينيت.

هه رچ ن هه ريمى كوردستانى باشور هه ولى داوه كه پيوندى خوى له گه ل كومارى ئيسلامى دا وه ك هاوسيه ك بپاريزيت، بلام وا دياره كومارى ئيسلامى و به تايبه ت به رپرسانى نيزامى كومارى ئيسلامى به زمانى زور و كوشتن و خاپور كردن رويان له كوردستان كردووه.
حکومەتی هەرێمی کوردستان رايگه ياندووه: “ئەو هەڕەشەیە بە تەواوی پێچەوانەی سرووشتی ئەو گفتوگۆیانە بووە كە لەنێوان هەردوولاماندا هەبووە و بە هیچ شێوەیەك ئەو هەڕەشانە خزمەتی پەیوەندییەكانمان ناكەن و نابێ بە هیچ شێوەیەك ئەو زمانە بەرامبەر هەرێمی كوردستان بەكار بهێندرێت”.
ليره دا ئه و باسه ى ديته گورى كه :

ئايا هه ريمى كوردستانى باشور هه رئه و سياسه ته ى ده ريژيت كه سه باره ت به كوردستانى باكور له پيشى دا گرتووه؛ پي دانان له وه ى كه باسى كورد له كوردستانى روژ هه لات چاره ى نيزامى نيه و ده بى له ريگاى موزاكره و ريگاى چاره ى بو بدوزريته وه.
ئايا كومارى ئيسلامى قه ناعه ت به دانيشتنى ئاشكرا له گه ل ئوپوزسيونىكوردى روژهه لاتى كوردستان له ژير چاوديرى نيو نه ته وى دا ده كات، ئايا ئوپوزسيونى كورد وه ك به ره يه كى يه كگرتو له شه ر و پيك دادان دا دژ به كومارى ئيسلامى ده ويستن يان به يه كگرتوويى له هه ولى هه ريمى باشور بو موزاكره پشتگيرى ده كه ن.
تا چ راده يه ك راسانى روژهه لاتى كوردستان له پشتگيرى ئه و پارچه كانى كه كه لك وه رده گريت و تا چ راده يك ئه م بزوتنه وى روژهه لاتى كوردستان يارمه تى ده رى سه ربه خويي هه ريمى كوردستانى باشور و دوو پارچه كه ى كه ده بيت؟ بى گومان ئه م پرسيارنه له چ ن مانگى داهاتوو دا وه لامى خويان وه رده گرن.
هيزى پيشمه رگه به خو راگرى و له خو بردوويى وهه رو ها ريبه ران و كادره كانى ليهاتوو و كارامه ئوپوزسيونى روژهه لاتى كوردستان ره چه ى راسانى ئه م جاره ى كوردى روژهه لاتيان دا رشتووه و ده بى چاوه روان بين.

پيشمه رگه كانى حيزبى ديموكراتى ئيران

PDKIPeshmergaK24

پيشمه رگه كانى حيزبى ديموكراتى كوردستانى ئيران له روژه ه هلاتى كوردستاندا